თბილისი:
მანჩესტერი:
8-01-2017, 17:00
ავტორი: RojoDiablo,
ნანახია: 1627,
კომენტარები: 18
სიმართლე თუ ილუზია: ჯონსი და როხო - "იუნაიტედის" საუკეთესო ცენტრალური მცველები?
რამდენად კარგები არიან "იუნაიტედის" ცენტრალური მცველები.
სიმართლე თუ ილუზია: ჯონსი და როხო -
ერიკ ბაიი აფრიკის ჩემპიონატზე გაემგზავრა და რამდენიმე კვირა იუქმებს, რის გამოც ჟოზე მოურინიოს არც ისე ბევრი ვარიანტი აქვს დაცვის ცენტრში. კოტ დ'ივუარელის ტრავმამდე სწორედ ის იქცა "იუნაიტედის" დაცვის ბურჯად და გაჩნდა შიში, რომ მისი არყოფნა გუნდს დაასუსტებდა - იმდენად კარგად თამაშობდა ინგლისში. თუმცა სხვა ორი მცველი, რომელთა მომავალი ჟოზე მოურინიოს დანიშვნის შემდეგ საეჭვო გახდა, მშვეველად მოევლინა გუნდს და საკუთარ კართან სტაბილურობა შემატა.

სიმართლე თუ ილუზია: ჯონსი და როხო - "იუნაიტედის" საუკეთესო ცენტრალური მცველები?


"ვესტ ჰემთან" მოგებული მატჩი ინგლისის ჩემპიონატში მეცხრე აღმოჩნდა, რომელიც ჯონსმა და როხომ "იუნაიტედის" დაცვის ცენტრში დაიწყეს. ამ ცხრა მატჩიდან გუნდმა ექვსი მოიგო და მთელ ამ მატჩებში მხოლოდ 6 გოლი გაუშვა. პირველად მათი დუეტი "სუონსისთან" (3:1) მატჩში გამოჩნდა და მას შემდეგ "იუნაიტედი" ინგლისში დაუმარცხებელია. რაც უფრო მეტად ახდენს შთაბეჭდილებას, ეს როხოსა და ჯონსის მოვლენებისადმი წინააღმდეგობის გაწევა და მოურინიოსთვის იმის დამტკიცებაა, რომ შანსს იმსახურებენ.

როცა მოურინიომ ჩაიბარა გუნდი, ბევრი მიიჩნევდა, რომ როხო და ჯონსი პირველები იქნებოდნენ, ვინც გუნდს დატოვებდნენ და კარიერის რეაბილიტირებას სხვა რომელიმე კლუბში ეცდებოდნენ. ბაიის ტრანსფერის შემდეგაც კი უკავშირებდნენ "იუნაიტედს" ბევრ სხვა ცენტრალური მცველს, რაც მხოლოდ აძლიერებდა ჯონსისა და როხოს მომავლის თაობაზე გავრცელებულ ჭორებს. მაგრამ ახლა საწინააღმდეგო თეზისი უფრო მართებულია: ეს დუეტი პირველი არჩევანია სასტარტო შემადგენლობაში. ჯონსისთვის ეს მომენტი გუნდის ძირითადში თავის დასამკვიდრებლად იმაზე შესაფერისი იქნება, ვიდრე ოდესმე.

ადრეული წლებიდანვე ქრონიკულმა ტრავმებმა ჯონსი არ დაინდეს და მისი პროგრესი შეანელეს. "ჯონსი, გამომდინარე იქიდან, როგორ მოქმედებს მოედანზე, ჩვენი საუკეთესო ფეხბურთელი შეიძლება გახდეს", - განაცხადა მის შესახებ "იუნაიტედის" ყოფილმა მწვრთნელმა, სერ ალექს ფერგიუსონმა 2013 წელს. მაგრამ ახლა, როგორც ფერგიუსონმა იწინასწარმეტყველა, მასთან ერთად გუნდი უფრო საიმედოდ გამოიყურება. ჯონსთან ერთად "იუნაიტედი" ერთ მატჩში საშუალოდ 0.67 გოლს უშვებს, მის გარეშე კი 1.18 გოლს. იგივე შეიძლება ითქვას როხოს შესახებაც, რომელთან ერთადაც "იუნაიტედი" ერთ მატჩში საშუალოდ 0,6 გოლს უშვებს, ხოლო მის გარეშე 1.3 გოლს.

როხო "იუნაიტედს" 2014 წლის მსოფლიო ჩემპიონატზე არგენტინის ნაკრებში კარგად თამაშის შემდეგ შეუერთდა, მაგრამ მარცხენა და ცენტრალური მცველის პოზიციებს შორის გაურკვევლობამ მისი კარიერა არია. "ოლდ ტრაფორდზე" ლუი ვან გაალის ყოფნის პერიოდში როხომ ვერაფრით მოახერხა პროგრესირება და "იუნაიტედის" ძირითად შემადგენლობაში ადგილის დამკვიდრება. ყველაფერს ემატება დისციპლინის უკმარისობა. მიმდინარე სეზონშიც კი იყო ორი მომენტი, როცა განუსჯელი ვარდნის გამო მოედნიდან გაძევებას გადაურჩა, მაგრამ ჯონსის მეწყვილედ ძალიან დამაჯერებლად გამოიყურება.

სიმართლე თუ ილუზია: ჯონსი და როხო - "იუნაიტედის" საუკეთესო ცენტრალური მცველები?


სტატისტიკა ადასტურებს, რომ მათ დუეტს "იუნაიტედის" წარმატებაში მნიშვნელოვანი წვლილი შეაქვს: ჯონსი - შემადგენლობაში საუკეთესოა ბურთის ამოტანით (8.3), როხო კი მეორე ადგილზეა 7.5 მაჩვენებლით. ნათელია, ასეთი მოქმედებები დავიდ დე ხეას კარზე ზეწოლას ამცირებს, რაც თავის მხრივ შედეგში აისახება. შესაძლოა, თავდაცვის ყველაზე ჭკვიანური ხერხი არ არის, მაგრამ სანამ გუნდს გოლები გააქვს, ნამდვილად იქნება ყველაზე ეფექტური იმისათვის, რომ ბურთი რაც შეიძლება შორს გაიტანო საკუთარი საჯარიმოდან.

უნდა აღინიშნოს, რომ ჯონსსა (43.2) და როხოს (46.1) ერთ მატჩში განხორციელებული გადაცემების საკმაოდ მაღალი მაჩვენებელი აქვთ. "იუნაიტედს" ამჟამად ჩემპიონატში საუკეთესო შედეგი აქვს ზუსტი გადაცემების პროცენტული რაოდენობით (85.1) და ჯონსისა და როხოს დუეტი მოურინიოს მოთხოვნილებას შეესაბამება, რაც საკუთარი საჯარიმოდან ბურთის თავისუფალ ზონაში ატანაში მდგომარეობს. ზუსტი გადაცემების მათი პირადი პროცენტული მაჩვენებელი - 89,2 და 85,7 შესაბამისად - საკმაოდ მაღალია და ორივეს პოტენციალს აჩვენებს იმაში, რასაც დაცვიდან შეტევაში ბურთის ატანა ჰქვია.

ისინი არა მარტო იმის გამო აკეთებენ გადაცემას, რომ უბრალოდ პასი გააკეთონ, არამედ გუნდის პოზიციურ თამაშს მიმართულებასაც აძლევენ. დაამატეთ ამას სასტარტო შემადგენლობაში მაიკლ კერიკის დაბრუნება, რომელსაც დაცვაში აწევა და ბურთის მიღება უყვარს, რათა შეტევის ორგანიზაციით დაკავდეს. ჯონსი და როხო წარმატებით ართმევენ თავს კერიკის მომარაგებას, რაც მას საშუალებას აძლევს, მაქსიმალურად ხშირად მიიღოს ბურთი და მოედნის ხედვის ეფექტური რეალიზება მოახდინოს.

ჯერჯერობით ეს დუეტი იდეალური არ არის და "იუნაიტედის" გულშემატკივარს ნერვიულობის მიზეზი შეიძლება ჰქონდეს, მაგრამ როხო და ჯონსი კარგად თამაშობენ და მოურინიო არ არის იძულებული, კიდევ ერთი ცენტრალური მცველი იყიდოს ამ თვეში. ჭორები აქტიურად ვრცელდებოდა ვიქტორ ლინდელეფის "ოლდ ტრაფორდზე" გადასვლის შესახებ, მაგრამ საკუთარი ცენტრალური მცველების სტაბილურმა თამაშმა ნიჭიერი შვედისადმი ინტერესი დააცხრო. სანამ ჯონსი და როხო საიმედონი არიან, მოურინიოს წინაშე არ დგას გუნდის დაცვითი ხაზის გადატვირთვის დავალება და "იუნაიტედი" მშვიდად აგრძელებს ჩემპიონთა ლიგის ზონაში მოსახვედრად ბრძოლას.

წყარო: whoscored
სტატიები
18 კომენტარი
№1
ავტორი: ikeoni
8 იანვარი 2017 17:05
  • სიახლეები: 0
  • კომენტარები: 2884
მაგრად გამოიყურებიან კიარაა ძალიან მაგრები არიან love
1
№2
ავტორი: gaga1987
8 იანვარი 2017 17:10
  • სიახლეები: 0
  • კომენტარები: 522
იმედია ესე სტაბილურად გააგრძელებენ
1
№3
ავტორი: tyeshela1
8 იანვარი 2017 17:14
  • სიახლეები: 2
  • კომენტარები: 296
Jjonsi minda kapitnad
0
№4
ავტორი: ვახო ( G G M U)
8 იანვარი 2017 17:16
  • სიახლეები: 0
  • კომენტარები: 4271
ჯონსის და როხოს ესე შეთამაშებას დარმწუნებული ვარ არავინ ელოდა, მაგრამ მწვრთნელის მოვალეობაც ეს არის, რომ ფეხბურთელებმა ერთმანეთს კარგად გაუგონ და კიდევ უფრო კარგად ითამაშონ ვიდრე მანამდე. ვნახოთ რა იქნება მომავალში ფაქტი კი ერთია, რომ ამ ეტაპზე ეს ორი მცველი მართლა კარგად თამაშობს.
3
№5
ავტორი: Manstark_United
8 იანვარი 2017 17:17
  • სიახლეები: 0
  • კომენტარები: 229
მართლა გასაკვირია,რომ კარგი ცენტრალური დუეტი შექმნეს. feel
0
№6
ავტორი: gache1991
8 იანვარი 2017 17:36
  • სიახლეები: 0
  • კომენტარები: 616
I media traamva serioozuli araa roxoosi da luzertan skamze main iqneba,shou smolingidan romelime ro daimtvres blindtan ertad Skaammze am is jddooma auucilebeelia
0
№7
ავტორი: temo-scholes
8 იანვარი 2017 17:49
  • სიახლეები: 0
  • კომენტარები: 1198
სტაბილურად წინ ბიჭებო...!!! am
0
№8
ავტორი: giorgi kandelakisvili
8 იანვარი 2017 18:17
  • სიახლეები: 0
  • კომენტარები: 155
ციტატა: tyeshela1
Jjonsi minda kapitnad

არავიტარ სჰემტხვევასჰი
რუნი უნდა იყოს
1
№9
ავტორი: stepno
8 იანვარი 2017 18:32
  • სიახლეები: 0
  • კომენტარები: 2398
როხოს რა ჭირს ნეტაა?
0
№10
ავტორი: ZVIADI777
8 იანვარი 2017 18:33
  • სიახლეები: 0
  • კომენტარები: 6
Livelpultan gamochndeba rogori bichebi arian. Chemi azrit jonsi da bai jobia
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

30 აპრილი 2017, 15:00
იუნაიტედი
სუონსი სიტი
პრემიერ ლიგა
4 მაისი 2017, 23:05
სელტა
იუნაიტედი
ევროპის ლიგა
7 მაისი 2017, 19:00
არსენალი
იუნაიტედი
პრემიერ ლიგა
სუონსი სიტი30 აპრილი
სელტა4 მაისი
არსენალი7 მაისი
ვიდეო პორტალი

წინა მატჩები

27 აპრილი 2017, 23:00
სიტი0
იუნაიტედი0
პრემიერ ლიგა
23 აპრილი 2017, 17:15
ბარნლი0
იუნაიტედი2
პრემიერ ლიგა
20 აპრილი 2017, 23:05
იუნაიტედი2
ანდერლეხტი1
ევროპის ლიგა
სიტი27 აპრილი
ბარნლი23 აპრილი
ანდერლეხტი20 აპრილი

მატჩის საუკეთესო

ენტონი მარსიალი
11
ენტონი მარსიალი

პრემიერ ლიგა

Widget powered by WhatstheScore.com

ჩამოშლა

წიგნები

შემოგვიერთდი

ყველა უფლება დაცულია

© MANUTD.GE 2016

Top