"მანჩესტერ იუნაიტედის" მთავარმა მწვრთნელმა ჟოზე მოურინიომ განაცხადა, რომ თავდამსხმელის შეძენას არ აპირებს, რადგან მის განკარგულებაში პერსპექტიული მარკუს რეშფორდია.

ინგლისელ ფეხბურთელს მოურინიო ძირითადად სათადარიგოთა სკამიდან შეცვლაზე შესვლის შედეგად იყენებს, მაგრამ მარკუსმა ჯამში 26 მატჩი ჩაატარა მიმდინარე სეზონში.

მიუხედავად იმისა, რომ თინეიჯერს 24 სექტემბრის შემდეგ არ გაუტანია გოლი, მოურინიოსთვის კვლავ რჩება მნიშვნელოვან ფეხბურთელად: "მას უდიდესი ნდობა მაშინ გამოვუცხადე, როცა ვთქვი, რომ მეტი თავდამსხმელი არ მჭირდებოდა. არ მინდა. რატომ? იმიტომ, რომ რეშფორდი მყავს.

ყოველთვის მზად არის. როცა სასტარტო შემადგენლობაში ვერ ხვდება, სათადარიგოთა სკამზე მაინც არის. შემოდის და სხვადასხვა სახის გამოცდილებას აგროვებს.

გასულ სეზონში მის თავს მომხდარი ამბავი ძალიან სწრაფად განვითარდა და ის პირობები შეიქმნა, რომელიც წელს არ გვაქვს.

კარგად არის. სწორი მიმართულებით ვითარდება. კარგი ბავშვია და სწორი მენტალიტეტის მქონე კარგი პროფესიონალი.

ყოველთვის მზად არის სასწავლებლად და გასავითარებლად. ეს ბავშვი სწორი მიმართულებით მიდის".

მოურინიო რეშფორდის უნივერსალურობასაც გაუსვა ხაზი.

"მან იცის, რომ ყოველდღე უნდა ისწავლოს და ეს ესმის. უნდა ისწავლოს გუნდთან ერთად ყოფნით, გუნდთან ერთად ვარჯიშით, სათადარიგოთა სკამზე მოხვედრითაც კი და ხანდახან თამაშითაც, როცა კონტრშეტევით ფეხბურთს ვთამაშობთ.

მასთან დაკავშირებით საერთოდ არ მაქვს პრობლემა. ნამდვილი პროფესიონალია. მას იმიტომ ვირჩევ, რომ ბევრ პოზიციაზე შეუძლია თამაში. შემტევი ფეხბურთელების როტაცია მიყვარს".

წყარო: dailymail