ჰენრიხ მხითარიანმა "სანდერლენდის" კარში გატანილ გოლს თავის კარიერაში საუკეთესო უწოდა.

სომეხმა ნახევარმცველმა ზლატან იბრაჰიმოვიჩის გადაცემით ისარგებლა და სტრეტფორდ ენდის წინ სტუმართა მეკარე ჯორდან პიკფორდს შანსი არ დაუტოვა ბურთის მოგერიებისა.

"ეს საუკეთესო გოლია, რომელიც ოდესმე გამიტანია. ძალიან აღელვებული ვიყავი. პირველად მსაჯის ასისტენტს შევხედე და დავინახე რა, თამაშგარე არ დააფიქსირა, აღნიშვნა დავიწყე.

ველოდი, რომ ბურთს ჩემ წინა ჩააწოდებდა, მერე კი გავაცნობიერე, რომ მე ვიყავი ბურთის წინ. და რადგანაც ბურთი ჩემს უკან იყო, ისღა დამრჩენოდა ქუსლით გამეტანა, ასეც მოვიქეცი და გამომივიდა", -განაცხადა მხითარიანმა.

61-ე წუთზე ჯესი ლინგარდის შეცვლის შედეგად მხითარიანმა პირველი მატჩი ჩაატარა ბოლო სამიდან. ჰენრიხი აღნიშნავს, რომ ჯანმრთელია და გუნდს პრემიერ ლიგაში ზედიზედ მეხუთე გამარჯვების მოპოვებაშიც დაეხმარება.

"ტრავმიდან არაფერი შემრჩა, ასე რომ, ბედნიერი ვარ დაბრუნებით და გუნდის დახმარებით. მომდევნო მატჩში მაქსიმუმის გაკეთებას ვეცდები. ძალიან კარგია, რომ ფორმაში ვართ და ასე ვაგრძელებთ".

წყარო: manutd.com