ჟოზე მოურინიო აცხადებს, რომ "მანჩესტერ იუნაიტედის" დაკავშირება "ბენფიკას" მცველთან, ვიქტორ ლინდელეფთან სავსებით ნორმალური მოვლენაა და შესაძლოა, ეს იყოს ერთადერთი ტრანსფერი, რომელსაც კლუბი ზამთარში განახორციელებს.

ლინდელეფი, დიდი ალბათობით, "იუნაიტედის" ფეხბურთელი გახდება მომდევნო სატრანსფერო ფანჯარაზე და მიუხედავად იმისა, რომ მოურინიომ პირდაპირ არ დაადასტურა 22 წლის მცველისადმი ინტერესი, მიანიშნა, რომ მისთვის უცხო არ არის ამა თუ იმ მოთამაშის დაკავშირება მის კლუბებთან.

"პორტუგალიური გაზეთების პირველ გვერდებზე წერია, რომ ყველა პორტუგალიელი მოთამაშე "მანჩესტერ იუნაიტედში" მოდის.

ეს ნორმალურია, რამდენიმე სეზონით ადრე პორტუგალიელ ფეხბურთელებს "ჩელსიში" და მადრიდის "რეალში" აგზავნიდნენ, სრულიად ნორმალურია.

მაგრამ კიდევ ერთხელ ვამბობ, რომ ჩემი გუნდი მომწონს. ზაფხულის სატრანსფერო ბაზრის უფრო მჯერა, ვიდრე ზამთრის. უფრო მეტი დრო, უფრო მეტი არჩევანი - ვფიქრობ, ის უკეთესია. მაგრამ ვნახოთ, რა მოხდება.

თუკი ვინმეს ვიყიდით, ეს იქნება ფეხბურთელი და არა ფეხბურთელები. თუკი ვინმეს კარს გავუღებთ წასასვლელად, იმიტომ კი არა, რომ ჩვენ გვინდა ასე, არამედ იმიტომ, რომ მას სურს.

მაგრამ მე ჩემი ფეხბურთელების შენარჩუნება დამაკმაყოფილებდა", - განაცხადა მოურინიომ.

წყარო: goal.com