მარუან ფელაინის არასახარბიელო კარიერა "მანჩესტერ იუნაიტედში" იანვარშივე შეიძლება დასრულდეს, როცა სატრანსფერო ფანჯარა გაიხსენა.

ფელაინი თავის თანაგუნდელებთან სერია A-ში გადასვლის ვარიანტს განიხილავს და ორშაბათს მილანშიც კი იმყოფებოდა თავის ძმასთან, მანსურთან ერთად.

"მილანი" - რომელიც გასულ წელსაც ინტერესდებოდა ფელაინით - და მისი კონკურენტი "ინტერი" ფელაინის 120 ათას ფუნტიანი ხელფასის დაკმაყოფილებას შეძლებენ, თავად ფეხბურთელი კი უკვე აცნობიერებს, რომ "ოლდ ტრაფორდზე" მომავალი არ აქვს.

თავის მხრივ "იუნაიტედი" არ აპირებს 29 წლის ფეხბურთელისთვის ახალი პირობების შეთავაზებას, მოქმედი კონტრაქტით კი მას 18 თვე რჩება და კლუბი მის გაყიდვას ამჯობინებს, ვიდრე იჯარის წესით გასხვისებას.

ფელაინისადმი არც ისე კარგი დამოკიდებულება აქვთ გულშემატკივრებს, რომლებმაც "ტოტენჰემთან" მატჩში მას დაუსტვინეს, რისი მიზეზიც "გუდისონ პარკზე" "ევერტონთან" დაპირისპირებაში თავისი ყოფილი გუნდის სასარგებლოდ აღებული პენალტი იყო.

ზოგიერთ გულშემატკივარს კი დევიდ მოიესის ეპოქის სიმბოლოდ მიაჩნია, რაც ნამდვილად არ ახსენდებათ დადებითად.

წყარო: dailymail