10-12-2016, 10:39

ავტორი: RojoDiablo,

ნანახია: 2294,

კომენტარები: 14

მოურინიო: "ჩვენი მდგომარეობა უსამართლოა"

ჟოზე მოურინიო "იუნაიტედს" ოთხეულში ხედავს.

"მანჩესტერ იუნაიტედის" მთავარმა მწვრთნელმა ჟოზე მოურინიო უსამართლო უწოდა პოზიციას, რომელსაც მისი გუნდი პრემიერ ლიგის ცხრილში იკავებს და განაცხადა, რომ გუნდი მინიმუმ ოთხეულში მოხვედრას იმსახურებს.

პრემიერ ლიგის მე-15 ტურს "იუნაიტედი" მეექვსე პოზიციაზე ხდება და მხოლოდ სამი ქულით უსწრებს ცხრილის დაბალ ნაწილში მყოფ გუნდებს, რაც შეეხება მეოთხე ადგილთან ჩამორჩენას, მოურინიოს გუნდს აქ 9-ქულის აღმოფხვრა მოუწევს, რაც, მოურინიოს თქმით, შრომით მიიღწევა.

"ჩვენს ამჟამინდელ მდგომარეობას უსამართლობად მივიჩნევ. ვთვლი, რომ გაცილებით მეტი ქულა უნდა გვქონოდა, ვიდრე გვაქვს, რადგან თუ სატურნირო ცხრილს შეხედავთ, იფიქრებთ, რომ ზოგიერთი გუნდი ჩვენზე უკეთესია, მაგრამ ეს ასე არ არის.

იმდენი ფრე იყო, რომლებშიც გამარჯვება დავიმსახურეთ! ეს ფრეები გამარჯვებად რომ გვექცია, ახლა ცხრილის მწვრვალთან ახლოს ვიქნებოდით, სადღაც მესამე და მეოთხე ადგილს შორის.

ამიტომაც ვფიქრობ, რომ ჩვენი მდგომარეობა უსამართლოა, მაგრამ ამის გამოსწორება ერთადერთი საშუალებით შეიძლება - ბეჯითად უნდა ვიშრომოთ", - განაცხადა მოურინიომ.

წყარო: dailymail

ინტერვიუები

14 კომენტარი

№1

ავტორი: tyeshela1

10 დეკემბერი 2016 10:42

სიახლეები: 2
კომენტარები: 296

ეს მერამდენედ უნდა თქვას. საჭიროა თამაშის მოკვლა და იბრას მეტი მომენტიდ რეალიზება მართებს. პრემიერ ლიგაში 1 ბურთიანი სხვაობა არაფერს ნიშნავს. გასატანი უნდა გაიტანონ. იბრასაც შეეძლო უკვე ბომბარდირთა სათავეში ყოფილიყო ამდენი რო არ გაემაზა

№2

ავტორი: RojoDiablo

10 დეკემბერი 2016 10:43

სიახლეები: 7071
კომენტარები: 8687

უკვე სასაცილო ხდება ამის კომენტარების მოსმენა. ეს რომ ასე ყოფილიყო და ის რომ ისე ყოფილიყო, შესაძლო ვარიანტზე დევნაა და მეტი არაფერი. აწმყოს მიხედვით იმოქმედე და ამის ხარჯზე გამოასწორე სიტუაცია.

რაც შეეხება განცხადებას, თითქოს რომელიმე გუნდები რომ გვჯობნიან, არასწორია, არც ესაა მაინცდამაინც ჭკუასთან ახლოს, ბატონო მოუ - გუნდი მხოლოდ თამაშით და შედეგით არ ფასდება. კარგი, ვამტკიცოთ, რომ თამაშით კარგად ვთამაშობთ, მაგრამ ერთი ამიხსენი, რატომ ვთამაშობთ "სიტიზე", "ლივერპულზე", "არსენალზე" და "ჩელსიზე" უკეთეს ფეხბურთს? ეგეც რომ არა, კარგ თამაშში მომენტების რეალიზება და დაფიქსირებული შედეგის ბოლომდე მიყვანის უნარიც ითვლება. მოკლედ, სადაც ახლა ვართ, ისევ ჩვენი ბრალია და არა იღბლის ან რამე მისთანების.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№3

ავტორი: Lady in red

10 დეკემბერი 2016 10:52

სიახლეები: 1
კომენტარები: 523

ნეტა რაზე ლაპარაკობს ეს კაცი საერთოდ? შენი გუნდი თუ ფრეს თამაშობს, რომელ უსამართლობაზეა საუბარი? გასაგებია, რომ კარგად ითამაშეს, მაგრამ მაგით რა? ოთხეულში მყოფ გუნდებთან როგორ ითამაშა არ ახსოვს? ბეჯითად უნდა ვიშრომოთო რომ წერს და მერე ფელაინი შეყავს მოედანზე, თამაშს ვერ იგებს და გამოდის სიტყვით უსამართლობააო. ჯობია უსამართლობა თავის თავთან და გუნდში ეძიოს, რომ კარგ თამაშთან ერთად შედეგიც დავინახოთ.

№4

ავტორი: Gamkrelidze

10 დეკემბერი 2016 11:01

სიახლეები: 86
კომენტარები: 504

კი მართალია უსამართლობაა მეექვსეზე ყოფნა იმ თამაშების შემხედვარე სადაც ქულები დავკარგეთ მარა მარტო ლაპარაკით ვერ უშველი გუნდს ოპტიმალური შემადგენლობა გვჭირდება ! არანაირი გოდინები და რონალდოები არ გვინდა მხოლოდ შეთამაშება გვინდა. ფეხბურთელები საკმარისზე ძლიერები გვყავს. შემადგენლობას ვერაფერს დაუწუნი მხოლოდ შეთამაშება გვინდა და ოპტიმალური შემადგენლობა. და რუნის მიხედე რა თუ ჩემი ძმა ხარ angry

№5

ავტორი: dachi_mu

10 დეკემბერი 2016 11:06

სიახლეები: 0
კომენტარები: 1474

რა აგრესიაა? რა გჭირთ ხალხო? გუნდი 3--4 თამაშში ერთხელ ურტყავდა კარებში,ეხლა შეხედავ თამაშს გესიამოვნება ყურება მაინც..და ყველაფერი ერთად გინდათ? უსამართლოა უსტადაც აბა რაარის? არ მახსოვს ან რიკოშეტით გაგვეტანოს ან ავტოგოლი ან რაღაც ეგეთი...ფატალურად არ გვიმართლებს,მარა ესეც გამოსწორდება..რა ძაძა შემოიყარეთ და გლოვობ ტო.. სიტის რა სასტავი ყავს და თამაშს ვერ იგებენ აგერ...უფრო მეტი პოზიტივი

№6

ავტორი: RojoDiablo

10 დეკემბერი 2016 11:09

სიახლეები: 7071
კომენტარები: 8687

ციტატა: dachi_mu

ნეგატიურად არავინ უყურებს, დაჩი. აგრესიაც არ გამომივლენია მე პირადად. მე მხოლოდ ის ვთქვი, რომ ამ შესაძლოა ვარიანტებს არ უნდა მივტიროდეთ და თუ რამე ხდება, სწორედ ჩვენი ბრალია.

პროგრესს ჩვენც ვხედავთ და მოგვწონს მოურინიოს ნამუშევარი. მასთან დაკავშირებით მე არავითარი პრობლემა არა მაქვს.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№7

ავტორი: dachi_mu

10 დეკემბერი 2016 11:17

სიახლეები: 0
კომენტარები: 1474

ციტატა: RojoDiablo

ციტატა: dachi_mu

მეც ზოგადად განწყობაზე ვთქი,კონკრეტულად არავისზე,მარა ყველაფერი არ მოდის ერთად ესეა ცხოვრებაშიც ყველგან,მე სწორ გზას ვხედავ,სწორ საძირკველს ვხედავ გუნდისას და ეს მახარებს..მოვლენ თან უკეთესი ოსტატები შემსრულებლები..მომდევნო წელს მთავარი ფავორიტები ვიქნებით.. ლიგაზე კიდე აუცილებლად გავალთ წელს

№8

ავტორი: RojoDiablo

10 დეკემბერი 2016 11:24