"მანჩესტერ იუნაიტედი" ხუთშაბათს ევროპის ლიგის მატჩში ლუგანსკის "ზარიას" დაუპირისპირდება, რაც უკრაინაში "წითლების" მეოთხე მატჩი იქნება.
"იუნაიტედი" ორჯერ ეწვია კიევის "დინამოს" - რომელთაგან ერთ-ერთი ვიზიტის კადრების ხილვა ვიდეოს საშუალებით შეგიძლიათ - ერთხელ კი დონეცკის "შახტიორს".
"დინამო კიევთან" პირველი ვიზიტი 2000 წლის 19 სექტემბერს შედგა და მატჩი უგოლოდ დასრულდა. ჩემპიონთა ლიგის G ჯგუფში "იუნაიტედს" ყველაფერი განაღდებული ჰქონდა, ამიტომ ძირითადი მეკარე ფაბიენ ბარტეზის ადგილი იმ შეხვედრაში რაიმონდ ვან დერ გოუვმა დაიკავა და მატჩის მთავარი გმირიც გახდა მის მიერ განხორციელებული შესანიშნავი სეივების გამო. დაცვის ხაზში კი, რომელსაც ჩვეულებრივ მარჯვენა ფლანგიდან გარი ნევილი ლიდერობდა, ამჯერად ინგლისელი ცენტრალური მცველის პოზიციაზე მოგვევლინა. "წითლები" მოგვიანებით მეოთხედფინალამდე გავლენ, სადაც 2001 წლის აპრილშ მიუნხენის "ბაიერნთან" დამარცხდებიან.
უკრაინაში მეორე ვიზიტი 2007 წლის 23 ოქტომბრით თარიღდება და ეს მატჩი "იუნაიტედმა" 4-2 მოიგო, რის ხილვაც ვიდეოს საშუალებით შეგიძლიათ.
რაც შეეხება დონეცკის "შახტიორთან" მატჩს, ეს შეხვედრა ჩემპიონთა ლიგის A ჯგუფში 2013 წლის 2 ოქტომბერს შედგა და 1-1 დასრულდა. დევიდ მოიესის გუნდის მხრიდან თავი დენი უელბეკმა გამოიჩინა, რასაც ბრაზილიელმა ტაისონმა უპასუხა.