ჟოზე მოურინიოს ყველაფერი უნახავს, რაც ადამიანმა ფეხბურთში შეიძლება ნახოს, მაგრამ "ვესტ ჰემთან" მატჩის შემდეგ აღნიშნა, რომ მას არასდროს ჰყოლია "მანჩესტერ იუნაიტედის" მსგავსი გუნდი.

"წითლებმა" სანახაობრივ სტილში - და არა პირველად ამ სეზონში - ჩაატარეს მატჩი და გავიდნენ ლიგის თასის ნახევარფინალში, სადაც "ჰალ სიტის" შეხვდებიან.

შეხვედრის შემდეგ მოურინიომ თავისი გუნდის ფეხბურთელები შეაქო და მათ მშვენიერი გუნდი უწოდა, მაგრამ იქვე აღნიშნა, რომ გუნდმა კარგ თამაშს ხშირად უნდა დაურთოს გამარჯვება.

"არასდროს მყოლია ბურთის ასეთი მფლობი გუნდი, არასდროს მყოლია ასეთი კრეატიული გუნდი, არასდროს მყოლია ამდენი შანსის შემქმნელი გუნდი. მაგრამ, ასევე არ მყოლია ამდენი ფრის მოთამაშე გუნდი. მინდა, რომ ამ მშვენიერმა გუნდმა უფრო ხშირად მოიგოს და დღევანდელივით ბევრი გოლი გაიტანოს.

მთელი სეზონია ასე ვთამაშობთ. ყველა მწვრთნელს თავისი იდეა აქვს, მაგრამ ფეხბურთელებმა ის უნდა განახორციელონ, რათა თამაშის კონკრეტული სტილი იპოვო. "მანჩესტერ იუნაიტედში" ჩვენს თავს სწორედ ეს დავუსახეთ მიზნად.

ერთ-ერთი, რაც საკუთარ თავს ვურჩიე, "მანჩესტერ იუნაიტედის" მსგავს კლუბში მისვლა იყო, სადაც ხალხის მოსაწონ ფეხბურთს თამაშობენ, აქ კი ეს ტრადიციაა, ამიტომაც ბედნიერი ვარ.

შემტევი ფეხბურთისთვის ძალიან კარგი მოთამაშეები გვყავს, ამიტომ როცა გუნდები უკნიდან ამოდიან, ფეხბურთელები კრეატიულობას ავლენენ. მაგრამ, რა თქმა უნდა, უფრო მეტის გატანა გვჭირდება", - განაცხადა პორტუგალიელმა.

წყარო: manutd.com