1-12-2016, 10:42

ავტორი: RojoDiablo,

ნანახია: 2729,

კომენტარები: 16

მოურინიოს ვერდიქტი სათასო მატჩზე

ჟოზე მოურინიოს მატჩის შემდგომი კომენტარი.

"ვესტ ჰემთან" ლიგის თასზე მოპოვებული გამარჯვების შემდეგ, ჟოზე მოურინიომ თავის ემოციას "ნამდვილი ბედნიერება" უწოდა.

"წითლებმა" 4-1 დაამარცხეს თავიანთი მეტოქი და ნახევარფინალში გავიდნენ, სადაც "ჰალ სიტის" დაუპირისპირდებიან.

მოურინიო კენჭისყრის შედეგსაც შეეხო და "ჩაქუჩებზე" მოპოვებულ გამარჯვებასაც.

სასიამოვნო თამაში

"კომფორტულად მოვიგეთ, ლამაზი და შემტევი ფეხბურთით. გოლებს პლუს კარგი თამაში უდრის ნამდვილ ბედნიერებას. შედეგით ნასიამოვნები ვარ, რადგან თამაშით აქამდეც კარგად ვთამაშობდით. სახლში ძალიან, ძალიან კარგად გამოვიყურებით და ახლაც ასე იყო. ვფიქრობ, მათი გოლიდან 10 წუთის განმავლობაში ამას განიცდინენ. ფეხბურთელები ემოციებს ვერ მალავდნენ, რადგან "ვესტ ჰემმა" პირველი დარტყმით გაათანაბრა, თუმცა მეორე ტაიმში კვლავ ვიპოვეთ თავდაჯერებულობა".

შემტევი ფეხბურთი

"ჩვენი შემტევი ფეხბურთის სიმშვენიერე მატჩიდან მატჩამდე იზრდება, მაგრამ ამჯერად გოლებიც გავიდა, როგორც ეს "ფეიენოორდთან" მატჩში მოხდა. ერთ-ერთი, რასაც ჩემს თავს ვთავაზობდი, ისეთ კლუბში მისვლა იყო, რომელიც ხალხისთვის მოსაწონ ფეხბურთს თამაშობს, "მანჩესტერ იუნაიტედში" კი ეს ტრადიციაა, ამიტომაც ძალიან ბედნიერი ვარ."

შთამაგონებელი სიტყვები

"შესვენებაზე ვუთხარი: "დაივიწყეთ "ვესტ ჰემის" გოლი, ძალიან კარგად ვთამაშობთ". თავდაჯერებულობა უნდა შეგვენარჩუნებინა და ის გოლი დაგვევიწყებინა, რადგან უნდა მოგვეგო. მინდოდა, რომ ისეთივე თვითრწმენა გამოგვევლინა და მეორე ტაიმში გოლები გავიდა."

სელექციის თავისტკივილი

"მტანჯავს, მტანჯავს. ჩემთვის ძალიან რთულია დეპაისა და ეშლი იანგის სახლში დატოვება. ასევე ვიტანჯებოდი, როცა წინა კვირას მარსიალის დატოვება მომიხდა, მომდევნო კვირას კი სხვა ვინმე უნდა დავტოვო. ამ პოზიციაზე ძალიან ბევრი ფეხბურთელი გვყავს, რაც ჩემთვის კარგია, მაგრამ მათთვისაა ცუდი. ფეხბურთელს მატჩების ჩატარება სჭირდება, მე კი ყველას ვერ ვათამაშებ, ამიტომაც მტანჯავს."

ნახევარფინალები

"ორმატჩიანი ეტაპებია, ამიტომ კენჭისყრას მშვიდად შევხვდი. თუ გუნდი ამ ეტაპამდე მოდის, ნიშნავს, რომ ტურნირში ყველაფერი ჩადო. ორმატჩიანი დაპირისპირება კენჭისყრას ხიბლს უკარგავს, რადგან სახლში ითამაშებ თუ გასვლაზე, აღარ ნერვიულობ, ორივეგან მოგიწევს თამაში. დარწმუნებული ვარ, "ჰალ სიტის" გასული სეზონიდან "უემბლიზე" კარგი მოგონებები დარჩა და ყველაფერს გააკეთებენ იქ მოსახვედრად. ჩვენ იქ გასულ სეზონში და აგვისტოში ვითამაშეთ - "იუნაიტედის" მსგავსი კლუბი უნდა აკეთებდეს კიდეც ამას, "უემბლიზე" რეგულარულად უნდა ბრუნდებოდეს. ჩვენ ვეცდებით; იანვარში გაიმართება, ამიტომაც ჯერჯერობით მაგაზე ფიქრს არ ვაპირებთ, მაგრამ იმედი მაქვს, რომ ფინალში გავალთ."

წყარო: manutd.com

ინტერვიუები

16 კომენტარი

№1

ავტორი: RojoDiablo

1 დეკემბერი 2016 10:50

სიახლეები: 7071
კომენტარები: 8687

მარსიალის გოლი გამიხარდა ამ თამაშში ყველაზე მეტად. მხითარიანის გოლსაც ვგულშემატკივრობდი, მაგრამ იბრამ ერთი-ორჯერ ისეთი დააიგნორა, რომ... არ მინდა ითვლებოდეს, რომ პარტნიორები ვერ უგებენ, თვითონ ძალიან ადვილად ამჩნევს ყველას და ბევრ კარგ გადაცემასაც აკეთებს. მარტო ის ქუსლით გაკეთებული პასი რად ღირდა.

მოურინიომ კი ისღა უნდა ეცადოს, კიდევ რამე სიურპირი არ მოიგონოს და მომდევნო მატჩში მხოლოდ პოგბა ჩაამატოს. რეშფორდიც უნდა დაჯდეს სკამზე ცოტა ხანი. ბოლო თამაშებში კაცსაც კი ვეღარ ატყუებს, რის პრობლემაც მარსიალს საერთოდ არ აქვს.

ისე, მეორე ტაიმში მომეჩვენა, რომ "ვესტ ჰემს" ძალიან ეზარებოდა თამაში და ნეტა მალე დამთავრდესო, ნატრობდნენ. პაიეს ვაკვირდებოდი და მოედანზე დადიოდა, თუ ბურთი არ ჰქონდა

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№2

ავტორი: gache1991

1 დეკემბერი 2016 10:54

სიახლეები: 64
კომენტარები: 1826

ხოდა გამოიტანედასკვნები რატო გავიდა ფეინოორდტან და აქ ამდენი გოლი და ამდენი მომენტი..სემადგენლობას რო ვნახავ ევერტონტან და იქ იქნებიან ფელაინი ლინგარდი(არიქნება სასტავში კერიკი!!!რომელიც ძაალიაან მაღალი დონეა ალბათ აღარ ვუყურებ ტამაშს..მარსიალი მხითარიანიდან რომელიმეც რო სკამზე დასვას არ ვიცი მერე მართლა 10 პენალიც რო ვერ გავიტანოთ ვიტყვი ამის ბრალიათქო

გეტანხმები მეც ვამბობდი რო დრო იყო რეშფორდის სკამზე დასმის,არ არი ეგ ბიჭი არც ფლანგის იგროკი და არც ეგრე მზად რო კვირაში სამი თამაში მაგრა ითამაშოს..მარსიალს დრო ჭირდება.ფაქტია მხიტარიანი მარსიალის გვერდზე რუნიც კი ბევრად მაგრა თამაშობდა,ის კი არა პოგბამაც ხო არ დაისვენოს ევერტონტან :)) ეს მშვენიერი შემადგენლობა იყო :))

№3

ავტორი: RojoDiablo

1 დეკემბერი 2016 11:25

სიახლეები: 7071
კომენტარები: 8687

ციტატა: gache1991

გეტანხმები მეც ვამბობდი რო დრო იყო რეშფორდის სკამზე დასმის,არ არი ეგ ბიჭი არც ფლანგის იგროკი და არც ეგრე მზად რო კვირაში სამი თამაში მაგრა ითამაშოს..მარსიალს დრო ჭირდება.ფაქტია მხიტარიანი მარსიალის გვერდზე რუნიც კი ბევრად მაგრა თამაშობდა,ის კი არა პოგბამაც ხო არ დაისვენოს ევერტონტან :)) ეს მშვენიერი შემადგენლობა იყო :))

არა მგონია, პოგბას შემადგენლობიდან ამოგდება კარგი აზრი იყოს. აი, არსენალს რომ მოუფიქრა, ერერა-პოგბა-კერიკი, ეგრე შეიძლება კანფეტებთანაც.

ერთი-ორი სიტყვა დე ხეაზეც უნდა ითქვას. მოურინიო რა ხასიათის მწვრთნელია ყველამ კარგად იცის და ისიც ვიცით, რომ მაგისთვის ავტორიტეტები არაფერია. წელს უკვე მეორე ერთი და იგივე შეცდომა აქვს დავიდს და ვეღარ ისეთ სასწაულებს აკეთებს, შეუძლია კარგად დაფიქრდეს იმაზე, რომ სკამი მისთვისაც არის სათადარიგოზე. რა თქმა უნდა, არ ვემდური და გასამართლებელი მიზეზიც კი შეიძლება იყოს. უკვე ისე თამაშობს მანჩესტერი, რომ მატჩში ერთხელ გვირტყამენ და კონცენტრაციის შენარჩუნება უჭირს, ალბათ. შარშან და იმის წინ თითო მატჩში მინიმუმ 3-4 სეივი ჰქონდა და მუდმივად ჩართული იყო.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№4

ავტორი: GeorgeBest

1 დეკემბერი 2016 11:47

სიახლეები: 1729
კომენტარები: 12134

მარსიალის და მხითარიანის თამაშმა გაასწორა. რუნი რა პასებს არიგებდა, ერტი ორჯერ ბოლოში "იღორა" მარსიალს არ გააყოლა, არადა ერთი-ერთზე რჩებოდა, თუმცა საერთო ჯამში ძალიან კარგი იყო

№5

ავტორი: Lalana

1 დეკემბერი 2016 12:10

სიახლეები: 82
კომენტარები: 2349

ციტატა: RojoDiablo

RojoDiablo

გეთანხმები მაგრამ ორი ასეთი უაზრო შეცდომის გამო ერთხელ დავისაჯეთ და მეორეში კიდევ კარგი საკმარისი დრო გვქონდა,ასეთი დონის მეკარეს არ უნდა ეშლებოდეს მასეთები.
წინაზე კი ლინგარდი იმიტომ დააყენა,რადგან მაგის წინა თამაშზე შემოსვლისთანავე გოლი გაიტანა და შანსი მისცა.ახლა არა მგონია რაიმე მსგავსი გააკეთოს მოუმ.წინა წელს ისე იყო ერთი სული მქონდა ამათი თამაში როდის დამთავრდებოდა,ახლა კი მინდა რომ კიდევ გაგრძელდეს ხოლმე.რიგ შემთხვევებში გოლს ვერ ვიტანთ,მაგრამ ფეხბურთის თამაშს მაინც ვადევნებ თვალს და არა იმ რაღაც სიმახინჯეს რაც წინათ იყო.დარწმუნებული ვარ იანვრის შემდეგ უკეთესად ვითამაშებთ და დროთა განმავლობაში შევალთ იმ ფორმაში როგორიც გულშემატკივარს სურს.

№6

ავტორი: giorgiginturi

1 დეკემბერი 2016 12:18

სიახლეები: 0
კომენტარები: 513

კარგი მატჩი იყო მაგრამ ჯობდა ეს პრემიერ ლიგაში ყოფილიყო belay

№7

ავტორი: levionok

1 დეკემბერი 2016 12:42

სიახლეები: 0
კომენტარები: 1266

ბასტის ყველა შეხებას როგორ ხვდებოდა ოლდტრაფორდი :) ეს სასიამოვნო იყო,მარსიალს მოუხდა დასვენება,ჩემი აზრით მიხიათარიანმა სასტარტოში მოიპოვა ადგილი,ბიჭს თვალები რომ აუხვიო ლინგარდზე კარგად მაინც დაინახავს მოედანს,დიდი ხანია ვფიქტობ იმას რიმ ძალიან ბევრი დაცცითი პეხბურთელი გამოგვყავს სასტარტოში!ამ შEმადგენლობას უნდა ენდოს ევერტონთან თან როგორც მახსოვს პოგბა ტოვებს ევერტონთან თამაშს

№8

ავტორი: kaxeti

1 დეკემბერი 2016 12:43

სიახლეები: 0
კომენტარები: 407

მოკლედ რაღაც მამაძაღლობას ააქვს ადგილი აი ნახეთ თუ ევერტონს არ ჩასჩარინ

№9

ავტორი: dybbuk

1 დეკემბერი 2016 12:45

სიახლეები: 0
კომენტარები: 1596

არც მინდა იმის გაფიქრება რო ევერტონთან პოგბას გარდა ვინმეს ჩაანაცვლებს სასტარტოში(რუნი მაინც ტოვებს ყვითელის გამო და პოგბაც მის საყვარელ პოზიციაზე გაიჩითება). სისწრაფე იყო ის მთავარი მიზეზი რამაც ბავშვობაში შემაყვარა მანჩესტერი, გუშინ კარგად გამოჩნდა თუ რამხელა პოტენციალი აქვს გუნდს მაგ კომპონენტში, მარსიალი და მხითარიანი შეუდარებლები იყვნენ, ასევე რუნი. რაც შეეხება დეხეას, მაღლაც დაიწერა და მეც ეგრე მგონია რო წინა სეზონებში მუდამ ჩართული იყო თამაშში და ბევრი სეივების კეთება უწევდა, ყველა უშვებს შეცდომებს და გუშინდელი საღამოც ალბათ კონცენტრაციის ამბავი უფროა, რაზეც უნდა იმუშაოს დავიდმა და არ მოდუნდეს, ისე რომერო დაეყენებია ჯობდა.

1ს აუცილებლად დავამატებ და მართლა არ მეგონა თუ ამის თქმა მომიწევდა(რამაც სასიამოვნოდ გამაკვირვა), როხომ ჩაატარა მისი საუკეთესო მატჩი რაც კი მინახავს მისი შესრულებით არამარტო მანჩესტერში, საერთოდ... ხო შეძლებია ამ პიტალოს, მოინდომა, იშრომა და გამოუვიდა, აი ვისგან უნდა აიღოს მაგალითი დეპაიმ, მაგრამ მაინც არ გამოვა მაგისგან არაფერი, უთავმოყვარეო, ზარმაცი ბიჭია

№10

ავტორი: mogeba

1 დეკემბერი 2016 13:02