ფეხბურთში თავისთავად მოიკიდა ფეხი გოლის აღნიშვნის ხელოვნებამ, რამეთუ ხელის ჩამორთმევები და ზურგზე სრიალი წარსულს ჩაბარდა.

ქორეოგრაფიული დადგმები ახლა სრულიად ნორმალური მოვლენაა და ხანდახან ის ისეთი რთულიც კია, რომ გოლის გატანა უფრო ადვილ საქმედ მოგეჩვენებათ.

საცეკვაო მოძრაობები ყველაზე დიდი პოპულარობით სარგებლობს თანამედროვე სპორტსმენებში. მაგალითად, "დაბი" ძალიან ხშირად სრულდება პრემიერ ლიგის ბევრი ვარსკვლავის მიერ, რომელთა შორის "მანჩესტერ იუნაიტედის" ნახევარმცველი პოლ პოგბაც ირიცხება.

პოლმა ასეთ აღნიშვნას ჯერ კიდევ "იუვენტუსში" ყოფნის პერიოდში მიჰყო ხელი და ახლა ამას "იუნაიტედშიც" აკეთებს, თუმცა ალბათ ვერ წარმოიდგენდა, რომ მისი მოძრაობები მათემატიკურ ამოცანად იქნებოდა გამოყენებული მისსავე სამშობლოში.



მოსწავლეებს პოგბას ხელების მოძრაობით ორ მართკუთხა სამკუთხედს უხაზავენ, რომელიც პითაგორას თეორემის დემონსტირების კარგი მაგალითია.

საკმაოდ საინტერესოდ ჟღერს და გასაკვირი არც იქნება, რომ სხვა აღნიშვნებმაც მიიღოს რაღაც სახე.



თავად პოგბა ამ ფაქტს ასე გამოეხმაურა: "დაბი სასარგებლოა, არ დავამტკიცე?"