"მანჩესტერ იუნაიტედის" გულშემატკივრებს სურთ, რომ ჟოზე მოურინიომ პირველი გუნდის ექვსი ფეხბურთელი გაყიდოს იანვრის სატრანსფერო ფანჯარაზე და მათ ნაცვლად ოთხი ახალწვეული მიიყვანოს.

"იუნაიტედის" გულშემატკივრებს გამოცემა MEN-მა კვლევების ჩატარების პროცესში სთხოვა, დაესახელებინათ ფეხბურთელები, რომელთა გაყიდვასაც უახლოეს სატრანფერო ფანჯარაზე ისურვებდნენ.

მათ არჩევანი მომდევნო ექვს ფეხბურთელზე შეჩერდა: ფილ ჯონსი, მორგან შნეიდერლინი, ბასტიან შვაინშტაიგერი, მემფის დეპაი, მარკოს როხო და მარუან ფელაინი.

მიუხედავად იმისა, რომ ფელაინი მოურინიოს გუნდში რეგულარულად იღებს სათამაშო დროს, გულშემატკივრების მხოლოდ 18.4%-მა მისცა ხმა მის დარჩენას და ამ მხრივ ის ბოლო ადგილზე გავიდა.

შემდეგი კი მარკოს როხოა, რომელმაც იმავე გამოკითხვის შედეგად ხმების 22.2 პროცენტი მიიღო.



გულშემატკივრებმა ასევე ისიც ურჩიეს მოურინიოს, თუ ვინ უნდა შეიძინოს პორტუგალიელმა.

იმ ფეხბურთელებს შორის, რომელთა სახელსაც მედია "ოლდ ტრაფორდზე" გადასვლას უკავშირებდა, ყველაზე მეტი ხმა შემდეგმა მოთამაშეებმა დააგროვეს: პიერ-ემერიკ ობამეიანგი, ფაბინიო, დიეგო გოდინი და ისკო.

დორტმუნდის "ბორუსიას" ფეხბურთელმა, რომელმაც ჩემპიონთა ლიგის უახლოესი მატჩი გერმანული კლუბის მიერ დაჯარიმების გამო გამოტოვა, გამოკითხულთა ხმების 74.7% მიიღო.



ზამთრის სატრანსფერო ფანჯრის დახურვის შემდეგ, 1 თებერვალს, "იუნაიტედი" პირველ მატჩს "ჰალ სიტის" წინააღმდეგ "ოლდ ტრაფორდზე" გამართავს.

წყარო: M.E.N.