დორტმუნდის "ბორუსიას" ჰენრიხ მხითარიანის მანჩესტერული კოშმარის დასრულება და მისი გერმანიაში დაბრუნება სურს.

გერმანული გრანდის მთავარი მწვრთნელი ტომაშ ტუხელი, აღმასრულებელი დირექტორი ჰანს იოახიმ ვატკცზე და გენერალური მენეჯერი მიხაელ ზორკი, "ოლდ ტრაფორდზე" მხითარიანის ჩავარდნით გაკვირვებულები არიან, რამეთუ სომეხი ფეხბურთელი ბუნდესლიგის ერთ-ერთ გამორჩეულ მოთამაშედ ითვლებოდა, სანამ გასულ ზაფხულს "ოლდ ტრაფორდს" არ მიაშურა.

ტუხელმა ზორკსა და ვატცკეს აცნობა, რომ მოხარული იქნება, თუკი 27 წლის მხითარიანს იანვარში იჯარის წესით დაიბრუნებს.

"მანჩესტერ იუნაიტედის" მთავარი მწვრთნელი ჟოზე მოურინიო ჰენრიხისგან ისეთივე წარმატებულ ფეხბურთს ელოდა, როგორსაც სომეხი "ბორუსიაში" აჩვენებდა. გარდა იმისა, რომ მხითარიანი საგოლე გადაცემების კეთებით გამოირჩეოდა, მის ანგარიშზეა ასევე 114 მატჩში გატანილი 33 გოლი. თუმცა, "იუნაიტედში" მან მხოლოდ ექვსი მატჩი ჩაატარა და მათი უმრავლესობა შეცვლაზე შესვლის შედეგად.

ჰენრიხმა 10 სექტემბერს მანჩესტერულ დერბიში მიიღო მონაწილეობა, სადაც დაშავდა და მას შემდეგ შვიდი კვირის განმავლობაში უქმობდა, სანამ "ფენერბაჰჩესთან" თურქეთში გამართულ შეხვედრაში თამაშში მეორე ტაიმში ჩაერთვებოდა.



მაგრამ მომდევნო მატჩში, რომელიც პრემიერ ლიგის ეგიდით "სუონსის" წინააღმდეგ ჩაატარეს მოურინიოს შეგირდებმა, მხითარიანი განაცხადში ვერ მოხვდა.

არსებული სიტუაციით სარგებლობა სურს დორტმუნდის "ბორუსიას" მთავარ მწვრთნელს და იანვარში ფეხბურთელის იჯარის წესით გადაბირების თაობაზე "იუნაიტედს" მიმართავს.

"წითელ ეშმაკებს" მსგავსი გამოცდილება უკვე აქვთ დორტმუნდულ კლუბთან თანამშრომლობის განმავლობაში. შინჯი კაგავა, რომელმაც სწორედ "სიგნალ იდუნა პარკიდან" გადაინაცვლა "ოლდ ტრაფორდზე", მანჩესტერში გატარებული 2 წლის შემდეგ გერმანიაში დაბრუნდა.

წყარო: mirror