"მანჩესტერ იუნაიტედის" ახალგაზრდა ფეხბურთელის, ანხელ გომესის მამა აღნიშნავს, რომ მისი შვილის ოცნება "წითელი ეშმაკების" პირველ გუნდში თამაშია.

16 წლის ფეხბურთელისადმი დიდი ინტერესი გამოჩნდა სხვადასხვა კლუბების მხრიდან, როცა 15 წლის ასაკში იგი ყველაზე ახალგაზრდა ფეხბურთელი გახდა, რომელმაც კლუბის აკადემიაში ჰეთ-ტრიკი შეასრულა.

როგორც ინგლისის 17-წლამდელთა ნაკრების კაპიტანი, გომესი "ახალგაზრდა ლომების" რიგებშიც ირიცხებოდა, როცა მათ თანატოლ გერმანელებს გასულ თვეში 8-1 მოუგეს.

მიუხედავად იმისა, რომ ასეთი წარმატების შემდეგ გომესით "ბარსელონა" დაინტერესდა, მამამისის, ჟილ გომესი აღნიშნავს, რომ მისი შვილი მხოლოდ "ოლდ ტრაფორდზე" მოხვედრაზე ფიქრობს.

"მნიშვნელოვანი ის არის, რომ ანხელი ფეხბურთისგან სიამოვნების მიღებას აგრძელებს.

არ უარვყოფ, რომ ბევრი კლუბი მეკითხება მის შესახებ, მაგრამ ის ყოველთვის ამბობს, რომ მისი ოცნება "მანჩესტერ იუნაიტედის" პირველ გუნდში თამაშია, კლუბში, სადაც აღიზარდა", - აცხადებს ჟილ გომესი.

წყარო: M.E.N.