ზლატან იბრაჰიმოვიჩს "სუონსითან" მატჩში ისტორიული ასპარეზი გამოუვიდა, რამეთუ თავისი საკლუბო კარიერის მე-400, ხოლო პრემიერ ლიგის არსებობის ისტორიაში 25 000-ე გოლები გაიტანა.

35 წლის შვედს რვა სხვადასხვა კლუბსა და 6 სხვადასხვა ქვეყანაში უთამაშია თავისი ხანგრძლივი კარიერის განმავლობაში, მათ შორის კი არიან ორივე მილანური გრანდი, "ბარსელონა" და "პარი სენ-ჟერმენიც".

"გედების" კარის ორჯერ აღებით იბრაჰიმოვიჩმა "იუნაიტედის" რიგებში მიმდინარე სეზონში რვა გატანილი გოლი დააგროვა.

თავდამსხმელს ყველაზე წარმატებული შედეგი საფრანგეთში ჰქონდა, სადაც პარიზეული გრანდის რიგებში ჩატარებულ 180 მატჩში 156 გოლი გაიტანა. ეს შედეგი ნიშნავს, რომ იბრას საშუალოდ ყოველ 1.15 მატჩში გაჰქონდა გოლი.

მილანის "ინტერში" 2006-დან 2009 წლებამდე გატარებული კარიერის განმავლობაში კი მან 66-ჯერ გამოიჩინა თავი, რის შემდეგაც "ინტერის" მთავარი მტრის, "მილანის" რიგებში გადაბარგდა და 85 მატჩში 56 გოლის გატანა მოახერხა.

ლიგა 1-ის, ლა ლიგის და სერია A-სა გამარჯვებულს კი ამჯერად პრემიერ ლიგის 25 000-ე გოლის გატანა ერგო წილად. პრემიერ ლიგაში გასული პირველი გოლი "იუნაიტედის" კარში 1992 წელს გავიდა, როცა ბრაიან დინმა "შეფილდ იუნაიტედი" დააწინაურა.

წყარო: manutd.com