"ბარსელონას" პრეზიდენტმა ხოსე მარია ბართომეუმ უარყო ჭორები იმის შესახებ, რომ მისი კლუბი "მანჩესტერ იუნაიტედში" ლუის სუარესის გაყიდვას აპირებს.

თავდასხმის ხაზის გაძლიერება "წითელი ეშმაკების" მთავარი მწვრთნელის ერთ-ერთი უმთავრესი მოთხოვნილებაა, რამეთუ ზლატან იბრაჰიმოვიჩი უკვე 35 წლისაა, უეინ რუნის კი ნახევარდაცვაში თამაშისკენ უბიძგებენ.

ამასთან დაკავშირებით გავრცელდა ჭორები, რომ "იუნაიტედი" 135 მილიონი ფუნტის შეთავაზებას აპირებს "ლივერპულის" ყოფილი თავდამსხმელისთვის, რომელიც ჯერჯერობით ვერ ახერხებს კატალონიურ კლუბთან ახალი კონტრაქტის შეთანხმებას.

თუმცა ბართომეუ დარწმუნებულია, რომ 29 წლის ურუგვაელი ფორვარდი კატალონიაში ბედნიერია და არსად წასვლას არ აპირებს.

"ვკითხულობთ, ვისმენთ, ვხედავთ ამ ამბებს, მაგრამ მოცემულ კონკრეტულ შემთხვევაში მთავარი მხოლოდ ის არის, რომ ლუის სუარესი "ბარსელონაში" ბედნიერია.

ჩემი აზრით, ის ევროპის საუკეთესო თავდამსხმელია და მისი შენარჩუნება გვინდა. მისი და "ბარსელონას" თანამშრომლობის გახანგრძლივებას ვაპირებთ და მასზე სამომავლოდ დიდ იმედებს ვამყარებთ, რადგანაც ჯერ კიდევ ახალგაზრდა, ამბიციური და დიდებული მოთამაშეა.

"ბარსელონაში" თამაში მესისა და ნეიმარის გვერდით აბედნიერებს, ძალიან სახიფათო ტრიოს ქმნიან", - განაცხადა ბართომეუმ.

წყარო: skysports