2016 წლის ზაფხულის სატრანსფერო ფანჯარაზე შვედი თავდამსხმელისა და "მანჩესტერ იუნაიტედის" კავშირი ერთ-ერთი ხმაურიანი მოვლენა იყო საფეხბურთო სამყაროში. ბევრი დაიწერა ამ ტრანსფერის შესახებ და ყველა მოუთმენლად ელოდა ამ ამბის ოფიციალურად დადასტურებას.
მოგეხსენებათ, პსჟ-ს ყოფილი თავდამსხმელი ერთ-ერთი საუკეთესო ფორვარდია მსოფლიო ფეხბურთის ისტორიაში და მისი გადაბირება ნებისმიერი გუნდისთვის სასურველი ტრანსფერია. შეგახსენებთ, ბოლო ოთხი სეზონი იბრაჰიმოვიჩმა პსჟ-ში გაატარა და 180 მატჩში 156 გოლი გაიტანა.
საფეხბურთო კარიერის მანძილზე პსჟ–ს გარდა ფეხბურთელი „მალმიოს", „აიაქსის", „იუვნეტუსის", „ინტერის", „მილანისა" და „ბარსელონას" ღირსებას იცავდა.
ხმაურიანი ტრანსფერი ნელ-ნელა დასასრულს მიუახლოვდა და 34 წლის ფეხბურთელი „მანჩსტერ იუნაიტედს" თავისუფალი აგენტის სტატუსით შეუერთდა. "პარის სენ ჟემენის" ყოფილმა ფეხბურთელმა ოფიციალურად დაადასტურა, რომ კარიერას "მანჩესტერ იუნაიტედში" გააგრძელებს.
ამის შესახებ იბრაჰიმოვიჩმა ინსტაგრამზე დაწერა. "დროა, მსოფლიომ გაიგოს ჩემი მომავალი კლუბის ვინაობა - ეს "მანჩესტერ იუნაიტედია."
ზლატან იბრაჰიმოვიჩი ერთ-ერთია, რომელმაც დიდი პატივისცემა დაიმსახურა "იუნაიტედის" გულშემატკივრების მხრიდან და მისი პოპულარობა დღითიდღე უფრო მატულობდა თავის ახალ გუნდში. ახლაგაზრდა ფრანგმა ფეხბუთელმა პოლ პოგბამ ზლატანს ახალი ღვთაებრივი ზედმეტსახელი ''თორი'' შეარქვა. გიგანტური ჩაქუჩით ძლევამოსილი ვიკინგების ღმერთი.
ზუსტად 35 წლის წინ ზლატან იბრაჰიმოვიჩის სახით საფეხბურთო სამყაროსა და მთლიანად კაცობრიობას გენიოსი მოევლინა. განვლილ წლებში მისი ხასიათის შესახებ არაერთხელ დაწერილა თუ თქმულა. ახლა წარმოგიდგენთ შვედი ფორვარდის ყველაზე ხმაურიან და სახალისო გამონათქვამებს, რომელიც შესაძლოა ბევრს ხუმრობად მოეჩვენოს, მაგრამ დარწმუნებულნი იყავით, რომ თითოეული ფრაზის წარმოთქმის დროს, ზლატან იბრაჰიმოვიჩი სულაც არ ხუმრობდა...
მოგეხსენებათ, შვედის წარმოდგენა საკუთარ თავზე ასაკის მატებასთან ერთად საგრძნობლად იზრდება. და ყოველი მისი გამონათქვამი მედიის დიდ ყურადღებას იქცევს. გავიხსენოთ მისი ცნობილი გამონათქვამები:
პსჟ-ში გადასვლისას:
"მართალია, მე არ ვიცნობ ამ ლიგის ბევრ ფეხბურთელს, მაგრამ დარწმუნებული ვარ, ბევრმა იცის ჩემს შესახებ".კითხვაზე თუ როგორ შეხვდა ახალწვეული ზლატანი "აიაქსში" თანაგუნდელებს:
"მე ზლატანი ვარ და თქვენ ვინ ჯანდაბები ხართ?!"ჟურნალისტისა და იბრას დიალოგი:
- ჟურნალისტი: ვინ მოიგებს მსოფლიო ჩემპიონატის პლეი-ოფს?
- იბრა: მხოლოდ ღმერთმა იცის.
- ჟურნალისტი: თუმცა, მისთვის კითხვა ცოტა გაჭირდება...
- იბრა: რატომ? – იგი ახლა თქვენს წინაშეა.იბრა შედარებებზე და მეტსახელებზე:
"არ მჭირდება მეტსახელი – თუ გსურთ შთაბეჭდილება, მიყურეთ თამაშისას".BeinSport-თან ინტერვიუსას პსჟ-ში კონტრაქტის გახანგრძლივებაზე:
"ეიფელის კოშკის ნაცვლად ჩემი ძეგლი უნდა დაიდგას".როდესაც პსჟ-ს ტოვებდა:
"ხვალ ჩემი ბოლო მატჩია "პარკ დე პრენსზე" – აქ მოვედი, როგორც ღმერთი და მივდივარ როგორც ლეგენდა".
ქედმაღალი შვედი თავდამსხმელი მანჩესტერში გადმოსვლის შემდეგ, გუნდის ყოფილ ლეგენდას, ერიკ კანტონასაც „დაუპირისპირდა". ფრანგი
ერიკ კანტონა ოდიოზური პიროვნება გახლავთ და არანაკლებია ზლატან იბრაჰიმოვიჩიც, რომელიც ცოტა ხნის წინ "მანჩესტერ იუნაიტედის" ფეხბურთელი გახდა. შვედმა გიგანტმა კანტონას სიტყვა არ შეარჩინა და საკმაოდ ორიგინალური პასუხი გასცა:
"მოვისმინე რაც კანტონამ თქვა – მისი კარიერით აღფრთოვანებული ვარ და იგი მართალია – მე არ ვიქნები მანჩესტერში მეფე, ღმერთი ვიქნები", - განაცხადა იბრაჰიმოვიჩმა.
ზლატანის ეს პასუხი ცოტა ხნის კანტონას კომენტარს მოჰყვა, როდესაც მან განაცხადა, რომ იბრაჰიმოვიჩი "იუნაიტედში" მეფე ვერ გახდებოდა...
მან ასევე მანჩესტერული კარიერის დაწყებამდე განაცხადა:
„შემეძლო "ლივერპულში" გადავსულიყავი, მაგრამ არ მინდოდა, მეთამაშა ისეთ გუნდში რომელიც მე-8 ადგილზე გადის და ისევ ფიქრობს რომ დიდებული კლუბია".
სამწუხაროდ მანჩესტერის გამოცდილი თავდამსხმელის ინგლისური კარიერის კარგი სტარტისა, ბოლო პერიოდში საგრძნობლად მოიკოჭლებს და იმედგაცრუებულს ტოვებს მანჩესტერის გულშემატკივარს, რაც ძვირად უჯდება თავის გუნდს ისინი 8 ქულით ჩამორჩებიან ლიდერებს. იბრაჰიმოვიჩის სტატისტიკური მაჩვენებელი ბოლო პერიოდში კატასტროფულია ვინაიდან მან ბოლო 6 მატჩში 540 წუთი ითამაშა, 35 დარტყმიდან ვერცერთხელ ვერ მოახერხა მოწინააღმდეგის კარის აღება და გოლის გატანა და ვერცერთი საგოლე გადაცემა ვერ განახორციელა. შვედ ფეხბურთელს აშკარად პრობლემები აქვს. უდავოა რომ ის ცუდ ფორმაშია, მისი ქედმაღლური წინასწარ ლაპარაკი კი უკან ბუმერანგივით უბრუნდება რაც გუნდის კეთილდღეობაზე აისახება და ხელს უშლის წარმატების მიღწევაში.