"ბარსელონას" ყოფილი ნახევარმცველი და კაპიტანი ჩავი ერნანდესი უეინ რუნის ურჩევს, კარიერა ევროპაში განაგრძოს.
31 წლის ფეხბურთელის რეგრესმა მისი საზღვარგარეთ, კერძოდ კი ამერიკისა და ჩინეთის საფეხბურთო ჩემპიონატებში გადასვლის შესახებ ხმები გააძლიერა. რამდენიმე ჩინური კლუბი მზადაა, რუნის არნახული ხელფასი შესთავაზოს.
მაგრამ ჩავი, რომელმაც "ბარსელონა" კარიერის მიწურულს დატოვა, რუნის კონტინენტზე დარჩენას ურჩევს. ესპანელის აზრით, რუნის ევროპული ფეხბურთისთვის ჯერ კიდევ ბევრი რამის შეთავაზება შეუძლია. "ამერიკის, ჩინეთისა და სხვა ლიგებისდამი პატივისცემის მიუხედავად, რუნი ჯერ ამისთვის მზად არ არის. ორი-სამი წლის შემდეგ - შეიძლება. მაგრამ ამ ასაკში ჯერ კიდევ არ დამდგარა რუნის იქ გადასვლის დრო.
მის ასაკში ასეთი უნარების მქონე ფეხბურთელი ერთ-ერთ წამყვან ჩემპიონატში უნდა თამაშობდეს. ვფიქრობ, რუნის ჯერ კიდევ ბევრი რამის შეთავაზება შეუძლია "მანჩესტერ იუნაიტედისთვის". მაგრამ კლუბი და ფეხბურთელი თანამშრომლობის შეწყვეტას თუ გადაწყვეტენ, ევროპის ტოპ-კლუბებს გამოადგებოდა", - განაცხადა ჩავიმ.