"ჩელსის" მთავარმა მწვრთნელმა, ანტონიო კონტემ თავისი გუნდის გულშემატკივრებს მოუწოდა, პრემიერ ლიგის მე-9 ტურის მატჩში, რომელიც "სტემფორდ ბრიჯზე" "მანჩესტერ იუნაიტედსა" და "ჩელსის" შორის გაიმართება, "წითელი ეშმაკების" სპეციალისტი თბილი დახვედრით მიიღონ.

დეკემბრის შემდეგ, კვირას მოურინიო პირველად ეწვევა "სტემფორდ ბრიჯს" სტუმარი გუნდის მთავარი მწვრთნელის რანგში. კონტეს იმედი აქვს, რომ "ლურჯების" ფანები არ დაივიწყებენ, რა გააკეთა მოურინიომ მათთვის და პორტუგალიელს სათანადოდ დახვდებიან.

"როცა სამჯერ იგებ ჩემპიონატს, გულშემატკივართა გულებში იკავებ ადგილს. ეს ნორმალურია. მოურინიო "ჩელსისთვის" მნიშვნელოვანი მწვრთნელი იყო. მისდამი უდიდეს პატივისცემას ვგრძნობ. თავისი კარიერის განმავლობაში მან ბევრი რამ მოიგო და მაქსიმალურ პატივისცემას იმსახურებს.

კარგი დახვედრის ღირსია. ის, მოთამაშეებთან, კლუბსა და პერსონალთან ერთად კლუბის ისტორიას წერდა. და მხოლოდ სასტარტო სასტვენის შემდეგ უნდა გახდნენ ის და "მანჩესტერ იუნაიტედის" ფეხბურთელები მტრები - თუმცა, მხოლოდ სპორტული თვალსაზრისით", - განაცხადა კონტემ.

წყარო: chelseafc.com