გუშინ ევროპის ლიგის მე-3 ტურის მატჩები გაიმართა. "ოლდ ტრაფორდზე" ადგილობრივმა "მანჩესტერ იუნაიტედმა" "ფენერბაჰჩე" მიიღო და 4-1 გაანადგურა მეტოქე.

როგორც მოსალოდნელი იყო, მასპინძლები დასაწყისშივე დაეუფლნენ უპირატესობას. პირველი გოლი 31-ე წუთზე გავიდა, მაიკლ კერიკის ბრწყინვალე პასის შემდეგ მატა მეტოქის საჯარიმოში აღმოჩნდა და თერთმეტრიანის მოპოვება შეძლო, რომელიც პოგბამ გოლად აქცია. ზუსტად 3 წუთში მარსიალის წაქცევისთვის თურქების კარში მეორე პენალტი დაინიშნა, რომელიც თავად დაზარალებულმა შეასრულა და ანგარიში 2-მდე გაზარდა. ტაიმის ბოლო წუთზე "წითელმა ესმაკებმა" სხვაობა 3-მდე გაზარდეს. პოგბას გასროლას სტუმართა მეკარემ ვერაფერი დაუპირისპირა.

მასპინძლებმა მეორე ტაიმის დებიუტშივე მოახერხეს კიდევ ერთი გოლის გატანა, ამჯერად თავი ლინგარდმა გამოიჩინა, რომელმაც ანგარიში გამანადგურებელი გახადა. სტუმრებმა პრესტიჟის გოლი მატჩის მიწურულს გაიტანეს, ვან პერსიმ "ოლდ ტრაფორდზე" დაბრუნება გოლით აღნიშნა.

შემადგენლობა: დე ხეა; დარმიანი, სმოლინგი (როხო 45), ბაიი, შოუ; კერიკი, პოგბა (ფოსუ-მენსა 75); მატა, რუნი, ლინგარდი (დეპაი 66); მარსიალი.

გამოუყენებელი ცვლილებები: რომერო, ფელაინი, იბრაჰიმოვიჩი, რეშფორდი.