"მანჩესტერ იუნაიტედის" ახალგაზრდა ფეხბურთელმა, ტიმოთი ფოსუ-მენსამ კლუბთან კონტრაქტი გაახანგრძლივა, რის მიხედვითაც ჰოლანდიელი "ოლდ ტრაფორდზე" 2020 წლამდე დარჩება.

18 წლის ფეხბურთელი "იუნაიტედს" 2014 წელს "აიაქსიდან" შეუერთდა. ფოსუ-მენსამ პირველ გუნდში 12 შეხვედრის ჩატარება შეძლო. მისი დებიუტი 2016 წლის 26 თებერვალს, "არსენალთან" მატჩში შედგა, რომელიც "იუნაიტედმა" 3-2 მოიგო.

"მოხარული ვარ "მანჩესტერ იუნაიტედთან" ახალი კონტრაქტის გაფორმების გამო. მას შემდეგ, რაც ამ დიდებულ კლუბს შევუერთდი ყოველი წუთით ვსარგებლობ და მინდა პროგრესი განვაგრძო. მე ყოველდღე სწავლობ მწვრთნელისა და სამწვრთნელო შტაბისგან." - განაცხადა ფოსუ-მენსამ.

მოურინიომ ჰოლანდიელთან დაკავშირებით მცირე კომენტარი გააკეთა: "ტიმოთი ახალგაზრდა ფეხბურთელია დიდი პოტენციალით და მოხარული ვარ, რომ ახალი კონტრაქტი გააფორმა. ნათელია, რომ ის ყოველდღე სწავლობს და მას მიმდინარე სეზონში ამის დამტკიცების საშუალება ექნება."