ჟოზე მოურინიო აცხადებს, რომ უფრო მეტი დრო სჭირდება "მანჩესტერ იუნაიტედისგან" საუკეთესო შედეგის მისაღებად.
"წითელი ეშმაკები" ოქტომბერში რამდენიმე მნიშვნელოვან მატჩს ჩაატარებენ. 9 დღის ინტერვალში გუნდი "ლივერპულს", "ფენერბაჰჩეს", "ჩელსისა" და "მანჩესტერ სიტის" დაუპირისპირდება.
აქამდე კი ჟოზემ "იუნაიტედის" მთავარი მწვრთნელის პოსტზე 10 მატჩი ჩაატარა და ფიქრობს, რომ მატჩების ეს რაოდენობა საკმარისი არ არის ფეხბურთელების შესაცნობად.
"დრო მჭირდება. მინდა ფეხბურთელები ვათამაშო, მათი სხვადასხვა მდგომარეობაში ხილვა მსურს, მათ შესახებ მეტის გაგება მსურს.
იმდენი რამის გაგება შეიძლება ფეხბურთელების შესახებ! რაც მეტს მუშაობ მათთან ერთად, მით მეტს იგებ მათ შესახებ. გუნდთან თუ სამი, ოთხი ან ხუთი თვე გაქვს ნამუშევარი, სიურპრიზებს აუცილებლად აღმოაჩენ", - განაცხადა პორტუგალიელმა.
მიუხედავად იმისა, რომ ოქტომბრის თვეში გუნდს გადატვირთული გრაფიკი აქვს და თავის უშუალო კონკურენტებს ხვდება, მოურინიო არ აპირებს ამ მატჩებისთვის განსაკუთრებული მნიშვნელობის მინიჭებას. "ყველა მატჩი მნიშვნელოვანია. "უოტფორდთან" მატჩი მნიშვნელოვანი იყო და სამი ქულა დავკარგეთ, "სიტისთან" წაგებისგან განსხვავებული. ასე რომ, ჩემთვის ყველა მატჩი მნიშვნელოვანია, მართალი ხართ, ოქტომბერში დიდ მეტოქეებს ვეთამაშებით, მაგრამ ესეც გადატანადია".