"მანჩესტერ იუნაიტედიდან" წასვლის პირას მყოფი ბასტიან შვაინშტაიგერი საფეხბურთო კლუბ "დალასს" შეიძლება შესთავაზონ.

ჟოზე მოურინიოს გუნდში შანსის მიუღებლობის შემდეგ გერმანელი ნახევარმცველი კლუბის 23-წლამდელთა გუნდთან ერთად ვარჯიშობს.

გამომდინარე იქიდან, რომ სიტუაციის შეცვლის არავითარი იმედი არ არსებობს, შვაინშტაიგერისთვის MLS-ში გადასვლა გამოსავალი უნდა აღმოჩნდეს.

"დალასის" პრეზიდენტი დენ ჰანტი ბასტიანის დიდი გულშემატკივარია და მას გასაოცარ ფეხბურთელს უწოდებს.

"ყოველთვის მისი და მისი გუნდების წარმატების თაყვანისმცემელი ვიყავი. ეს ეჭვგარეშეა, ბასტიანი გამარჯვებულია" თუმცა რთულია იმის წინასწარმეტყველება, გამოგვივა თუ არა მისი შეძენა. ამჟამად მხოლოდ ერთი მოთამაშის შეძენა შეგვიძლია და ამ ადგილის ამოვსება თავდამსხმელით გვსურდა. შეიძლება აზრი შევიცვალოთ, ვნახოთ რა მოხდება.

წყარო: goal.com