როგორ შეიცვალა ხუან მატა "ჩელსიდან" წამოსვლის შემდეგ.
2014 წელი – ხუან მატა "ჩელსის" ტოვებს. "სტემფორდ ბრიჯზე" დაბრუნებულმა მოურინიომ ესპანელთან თანამშრომლობა აღარ მოისურვა, მიუხედავად იმისა რომ ხუანი ზედიზედ ორჯერ გუნდის საუკეთესო ფეხბურთელად იყო დასახებული.
არ აქვს მნიშვნელობა რამდენად ტექნიკური იყო ესპანელი თუ რამდენად პოპულარული იყო ის გუნდის წევრებში, ჟოზემ გადაწყვიტა რომ ამ "მნიშვნელოვანი" ფეხბურთელის გარეშეც შეძლებდა ყველაფრის მიღწევას. საბოლოოდ ესპანელი დევიდ მოიესმა შეიძინა.
ჟოზე და ხუანი კვლავ შეხვდნენ ერთმანეთს, ამჯერად უკვე "მანჩესტერში". უამრავი სპეკულაციების მიუხედავად მატა გუნდში დარჩა და ახლა ის მოურინიოს "იუნაიტედის" ერთ–ერთი მთავარი ფიგურაა. დასტურად ამისა გუშინდელი მატჩიც გამოდგება, სადაც ესპანელმა ნამდვილად აჩვენა თუ რამდენად მნიშვნელოვანი ფეხბურთელია ის ამ ფორმაციის "იუნაიტედისთვის".
მაშინ როცა მოურინიომ მატა გუნდიდან დაითხოვა ესპანელმა ყველაფერი გააკეთა რომ თავისი ფასი დაემტკიცებინა, დაემტკიცებინა და ეჩვენებინა ყველასთვის რომ ის კვლავ კარგი ფეხბურთელია, რომელსაც ბევრი სარგებლის მოტანა შეუძლია გუნდისთვის. მატა შეიცვალა.
მას შემდეგ რაც მატა "იუნაიტედს" შეუერთდა, მხოლოდ უეინ რუნიმ შეძლო გაეტანა უფრო მეტი გოლი ან გაეკეთებინა უფრო მეტი საგოლე გადაცემა (43) ვიდრე ესპანელმა (37).
მატა გახდა მეტად სარგებლიანი ფეხბურთელი, ამასთან იმ ტიპის მატჩებშიც, რომლებსაც ესპანელი "ჩელსიში" აშკარად აგდებდა. მაშინ მოურინიოს კრიტიკა გარკვეულწილად მართებულიც იყო.
მატჩებში, სადაც ოპონენტი ფიზიკურად ძლიერი და კარგად ორგანიზებული იყო, მეტოქე გუნდის მხრიდან მატა ჩრდილში რჩებოდა. ის ამ ტიპის მატჩებში ვერ იყო ისეთი აქტიური, როგორიც იყო მაგალითად იოზილი ან დი მარია. ესპანელის პასები ვერ ამწვავებდა თამაშს.
ხუან მატა "პროცესის" მოთამაშეა. ესპანელს უყვარს საჯარიმოსთან თამაში, ბურთის მიღება, განაწილება, გამჭოლი პასის გაკეთება, შეტევის ორგანიზება, პრესინგის თამაში. "ლესტერთან" ესპანელმა კარგი მატჩი ჩაატარა, ეს კი იმიტომ, რომ მას უყვარს ფორვარდის უკან თამაში.
"ლესტერთან" მატჩში მატას გადაადგილება.
"ლესტერთან" მატჩში ესპანელი როგორც აღვნიშნეთ რუნის პოზიციაზე ასპარეზობდა. მატა მუდამ ცდილობა მეტოქის მცველებს შორის არსებული სივრცის გამოყენებას, ის კარგი იყო როგორც შექმნელი და ასევე კარგი როგორც შემსრულებელი.
37 წუთზე მან "იუნაიტედის" უპირატესობა ორამდე გაზარდა და ეს გოლი გამორჩეული იყო თავისი კომბინაციით, რადგანაც ეს იყო ერთადერთი გოლი, რომელიც "იუნაიტედს" სტანდარტიდან არ გაუტანია. პოგბასთან და ლინგარდთან გათამაშებული კომბინაციის შემდეგ ხუანმა ცილერის კარში ბურთი აუღელვებლად გადაგზავნა.3 წუთში მან უკვე საგოლე გადაცემა გაუკეთა მარკუს რაშფორდს.
მატას ურთიერთობა ბურთთან ყველასთვის ნათელია, ის ამ კომპონენტში შეუდარებელია. გასულ მატჩში ხუანი მაქსიმალურად ცდილობდა და რაც მთავარია გამოსდიოდა თავისუფალი სივრცეების შექმნა, რამაც უმნიშვნელოვანესი როლი ითამაშა გუნდის წარმატებაში. მატას "ათიანზე" თამაშმა თანაგუნდელებს უფრო მეტი თავისუფლება მიანიჭა.
მატას ასეთმა თამაშმა მოურინიოს კონკრეტული კითხვა დაუსვა, ღირს თუ არა ამ პოზიციაზე რუნის დაბრუნება ? ფაქტია ესპანელმა უკეთესი მატჩი ჩაატარა და გუნდისთვის უფრო პროდუქტული გამოდგა.
მას შემდეგ რაც გუნდს ახალი მწვრთნელი იბარებდა, ის სულ უშვებდა გუნდიდან ნახევარმცველებს. მატა გუნდში დარჩა როცა ვან გაალი მოვიდა, მატა გუნდშია როცა მოურინიო მოვიდა. რატომ ? ორივე მათგანმა იცოდა თუ რამდენს დაკარგავდა მისი გაშვებით.
ისტორია რომელიც "ჩელსიში" მოხდა წარსულს უნდა ჩაბარდეს, ალბათ ჩაბარდა კიდეც. მატამ მოურინიოს უჩვენა თავისი კლასი და შესაძლებლობები და დაუმტკიცა რომ ის გაიზარდა როგორც ფეხბურთელი. მან აჩვენა მოურინიოს რომ ის გუნდისთვის მნიშვნელოვანი ფიგურაა. მოურინიომ მოიგო ყველა ის მატჩი(4), რომელშიც ესპანელმა სასტარტოში დაიწყო. მის გარეშე გუნდი ვერ იგებს(თუ არ ჩავთვლით "ნორთჰემპტონთან" გამართულ მატჩს).
"ლესტერთან" ჩვენ ვიხილეთ რეალური "იუნაიტედი" და თამაში რომელმაც მათ წარმატება უნდა მოუტანოს. გუნდს ნამდვილად ჰყავს ძლიერი შემადგენლობა და მათ აუცილებლად უნდა გააგრძელონ მაღალ დონეზე ასპარეზობა, მაგრამ ხუან მატა არის და უნდა იყოს ის ერთ–ერთი მნიშვნელოვანი ფიგურა, რომელიც გუნდს ასეთი თამაშის ჩვენებაში დაეხმარება.
წყარო:
Squawka.com