უეინ რუნიმ სატელევიზიო შოუს საშუალებით მის მიმართ გამოთქმულ კრიტიკას უპასუხა.
"წითლების" კაპიტანი ჰელენ ევანსისა და დევიდ მეის სტუმარი იყო მოკრივე ენტონი კროლასა და მის მწვრთნელ ჯო გალაჰერთან ერთად. ინგლისელმა რვადღიან წარუმატებელ სერიაზე ისაუბრა, რომლის დროსაც "იუნაიტედი" "სიტისთან", "ფეიენოორდთან" და "უოტფორდთან" დამარცხდა. "ფეხბურთი ასეთია, ჩემი აზრით. სამ მატჩში მარცხდები და ყველა ამაზე ლაპარაკობს. ცუდი კვირა გვქონდა, ცუდი რვა დღე, რომლის დროსაც სამი მატჩი წავაგეთ და ახლა მასზე რეაგირების მოხდენაა მნიშვნელოვანი", - განაცხადა რუნიმ.
რაც შეეხება თავის სათამაშო ფორმის გამო კრიტიკას, მან თქვა: "დიახ, მთელი ჩემი კარიერის განმავლობაში ასე იყო - მაგრამ ბოლო დროს უფრო მეტად, თუმცა ესეც ფეხბურთის ნაწილია. მე ვუსმენ ჩემს მწვრთნელებსა და თანაგუნდელებს, ჩემ ირგვლივ მყოფ ხალხს და საერთოდ არ ვაქცევ ყურადღებას გარეშე პირთა აზრებს, რადგან ამ აზრთა უმეტესობა ნაგავია.
მე ყურადღებით უნდა ვიყო, ბევრი ვიშრომო, რა თქმა უნდა, და ყოველთვის ასე ვიქცეოდი. ბევრს ვშრომობდი და გუნდისთვის მაქსიმალურს ვიღებდი.
ჩემი კარიერის განმავლობაში ბევრ პოზიციაზე მითამაშია. ნებისმიერ პოზიციაზე ვითამაშებ, მაგრამ ჩემმა მწვრთნელმა ცხადყო, რომ წინ ან 10 ნომერად მათამაშებს. როგორც მანამდე ვთქვი, მხოლოდ მე არ მეხება - მთელი გუნდი ასე იქცევა და ბევრს შრომობს. ცუდი კვირა გვქონდა, მაგრამ მის გამოსასწორებლად ბევრი ვიშრომეთ".