"მანჩესტერ იუნაიტედის" განაპირა მცველი ლუკ შოუ, როგორც მოსალოდნელია, "უოტფორდთან" მატჩში დაბრუნდება. ახალგაზრდა ფეხბურთელი ჟოზე მოურინიომ როტერდამში წაყვანის ნაცვლად ინგლისში დატოვა პრემიერ ლიგის მომდევნო შეხვედრისთვის მოსამზადებლად. შოუმ გასულ ორ თამაშზე ისაუბრა და აღნიშნა, რომ გუნდს სწრაფი გოლის გატანა უჭირს, რაც მომდევნო შეხვედრებში უნდა გამოსწორდეს.

"მატჩის აქტიურად დაწყება გვჭირდება. გასულ ორ შეხვედრაში არც ისეთი კარგი სტარტი გვქონდა, განსაკუთრებით პირველ ტაიმში, სწორედ ამის შეცვლაა აუცილებელი.

"ფეინოორდთან" მატჩის ყურება გამაღიზიანებელი იყო. მათ ბევრი შანსი არ ჰქონიათ და გოლიც აშკარა თამაშგარე მდგომარეობიდან დაფიქსირდა. რამდენიმე შანსი გვქონდა, ბევრი არა, მაგრამ იღბალი ჩვენს მხარეს არ იყო.

ორივე შეხვედრა წარსულს ჩაბარდა და მომდევნო მატჩებზე უნდა ვიფიქროთ, საკუთარ თავებზე მოვახდინოთ კონცენტრაცია და სწრაფი გოლი გავიტანოთ, რათა შემდეგ საკუთარი ფეხბურთი ვითამაშოთ" - განაცხადა შოუმ MUTV-სთან საუბარში.

მატჩი "უოტფორდთან" კვირას, 18 სექტემბერს, თბილისის დროით 15:00 წუთზე დაიწყება.

წყარო: manutd.com