"მანჩესტერ იუნაიტედის" მთავარმა მწვრთნელმა ჟოზე მოურინიომ განმარტა, თუ რატომ დატოვა პირველი გუნდის შემადგენლობის ხუთი ფეხბურთელი ევროპის ლიგის მატჩის განაცხადს მიღმა.

მცველები ანტონი ვალენსია და ლუკ შოუ მანჩესტერში დარჩნენ, ისევე როგორც, ნახევარმცველი ჯესი ლინგარდი და ჰენრიხ მხითარიანი. 20-კაციან განაცხადში არ არის გუნდის კაპიტანი უეინ რუნიც.

მატჩის წინა პრესკონფერენციაზე მოურინიომ სხვადასხვა მნიშვნელოვან საკითხთან ერთად იმ მოთამაშეებზეც ისაუბრა, რომელთაც სათამაშო პრაქტიკა სჭირდებათ. თავისი საუბარი კი იმით დაიწყო, თუ რატომ არ არის უეინ რუნი გუნდთან ერთად.

"სეზონის სტარტიდან მოყოლებული ყველა თამაში ჩაატარა. ასევე 90 წუთი გაატარა მოედანზე ინგლისის ნაკრების შემადგენლობაში. გასული უქმეების მატჩშიც 90 წუთი ითამაშა, ამიტომ მინდა, პრემიერ ლიგის მომდევნო მატჩს დასვენებული შეხვდეს. მის პოზიციაზე ბევრი არჩევანი და ფეხბურთელი მყავს, ასე რომ, ძალიან რთული იყო შანსიც მიცემა".

როცა ჰკითხეს, თუ როგორ შეხვდა რუნი ამ ამბავს, მოურინიომ უპასუხა: "კარგად, ვფიქრობ, უკეთესია, თუკი ფეხბურთელს ეტყვი, რომ შენთან ერთად არ მოდის, მაგრამ ჩვენ მხოლოდ უეინ რუნი ვსაუბრობთ. გუნდთან ერთად არც ანტონიო ვალენსია ჩამოსულა და არც ლუკ შოუ. ამ პოზიციებზე სხვა მოთამაშეებიც მყავს, დასვენებული მოთამაშეები ამ მატჩისთვის და დასვენებულები მომდევნო კვირისთვის.

აქ ხუთშაბათს ვთამაშობთ, მერე სახლში ვბრუნდებით და იქ 12 საათზე ვთამაშობთ. ვეცდები, აქ ძლიერი გუნდი გამოვიყვანო, კვირასაც ძლიერი გუნდი გამოვიყვანო და თან ზოგიერთი მოთამაშე დავასვენო. უეინმა ეს ამბავი პროფესიონალურად მიიღო, სხვებმაც ასევე".

ხუთშაბათს ზუსტად ერთი წელი შესრულდება მას შემდეგ, რაც ლუკ შოუმ "პსვ ეინდჰოვენთან" მატჩში ფეხი მოიტეხა. მოურინიო კატეგორიულად უარყო, რომ სწორედ ეს იყო მიზეზი შოუს განაცხადს მიღმა დატოვებისა.

"არა, ეს არ ვიცოდი. გადაწყვეტილება ნეგატიურ საგანზე დაყრდნობით არ მიმიღია. მიზეზი მარტივია - მარკოს როხო ძალიან კარგი ფეხბურთელია, რომელიც კარგად მუშაობს, ბევრს შრომობს. ჩემი არჩევანი პრემიერ ლიგის ბოლო 4 მატჩში იყო ლუკი, ლუკი, ლუკი, ლუკი და ახლა მარკუსის ჯერია, ასე რომ, მარტივი არჩევანია".

წყარო: manutd.com