"ატელტიკოს" ფეხბურთელს "იუნაიტედის" კაპიტნის, რუნის შემცვლელად მოიაზრებენ.
საფრანგეთის ეროვნული ნაკრებისა და "მადრიდის ატლეტიკოს" შემტევი ანტუან გრიზმანი განიხილება ისეთი ტიპის ფეხბურთელად, რომელიც "მანჩესტერ იუნაიტედის" ამჟამინდელ კაპიტან უეინ რუნის სრულიად შეცვლის.
ამ ზაფხულს ინგლისურმა გიგანტმა დაახლოებით 150 მილიონი ფუნტ სტერლინგი დახარჯა ტრანსფერებში და კლუბი გააძლიერა ისეთი ფეხბურთელებით, როგორებიც არიან პოლ პოგბა, ერიკ ბაიი, ჰენრიხ მხითარიანი და ზლატან იბრაჰიმოვიჩი.
მაგრამ როგორც Bleacher Report-ი ადასტურებს, მოურინიოს უკვე აქვს გეგმები მომავალი საზაფხულო სატრანსფერო ფანჯრისთვის. ერთ-ერთი პრიორიტეტული დავალება კი "იუნაიტედისთვის" ახლო მომავალში უეინ რუნის ღირსეული შემცვლელის პოვნაა.
მომდევნო თვეში უეინი 31-ე დაბადების დღეს აღნიშნავს და არავისთვის საიდუმლო არაა, რომ მისი თამაში ისეთი აღარაა, როგორც ადრე. თუ წყაროს დავეყრდნობით, "იუნაიტედი" უეინის შემცვლელად სწორედ ანტუან გრიზმანს განიხილავს, რომელმაც "ატელტიკოს" რიგებში 75 მატჩში 44 გოლის გატანა მოახერხა. შეგახსენებთ, რომ ფრანგი ფეხბურთელი მადრიდულ კლუბში "რეალ სოსიედადიდან" გადაბარგდა 25 მილიონ ფუნტ სტერლინგად 2014 წელს.
25 წლის ანტუანმა ბევრი რამ დაამტკიცა როგორც კლუბში, ასევე საფრანგეთის ეროვნულ ნაკრებში. 2016 წლის ევროპის ჩემპიონატზე ის საუკეთესო ბომბარდირი და საუკეთესო მოთამაშეც გახდა, ხოლო მისი გუნდი ფინალში გავიდა.
წყარო:
fapl.ru