Goal.com-მა პრემიერ ლიგის მე-2 ტურის სიმბოლური გუნდი დაასახელა, სადაც "მანჩესტერ იუნაიტედის" ოთხი ფეხბურთელი: ლუკ შოუ, ანტონიო ვალენსია, პოლ პოგბა და ზლატან იბრაჰიმოვიჩი მოხვდნენ.

გასულ ტურში "წითელმა ეშმაკებმა" "საუტჰემპტონს" უმასპინძლეს და 2-0 დაამარცხეს მეტოქე. ზლატან იბრაჰიმოვიჩმა დუბლის შესრულება მოახერხა. შვედმა ჯერ რუნის ჩაწოდებით ისარგებლა, შემდეგ კი შოუს წაქცევისთვის დანიშნული თერთმეტმეტრიანი გოლად აქცია.

პრემიერ ლიგის მე-2 ტურის სიმბოლური გუნდი Goal.com-ის ვერსიით

მეკარე: პეტერ ჩეხი ("არსენალი")

მცველები: ლუკ შოუ ("მანჩესტერ იუნაიტედი"), ლორან კოშელნი ("არსენალი"), მეისონ ჰოლგეიტი ("ევერტონი"), ანტონიო ვალენსია ("მანჩესტერ იუნაიტედი")

ნახევარმცველები: ედენ აზარი ("ჩელსი"), სტივენ დეფური ("ბარნლი"), პოლ პოგბა ("მანჩესტერ იუნაიტედი"), კრისტიან სტუანი ("მიდლსბრო")

თავდამსხმელები: სერხიო აგუერო ("მანჩესტერ სიტი"), ზლატან იბრაჰიმოვიჩი ("მანჩესტერ იუნაიტედი")