გაბრიელ ბარბოსას აგენტმა განაცხადა, რომ "იუნაიტედთან" შეთანხმება მხოლოდ "სპეკულაციაა" და არაფერი სხვა.

ამ კვირაში გავრცელებული ინფორმაციით, ჟოზე მოურინიომ მორიგი ტრანსფერი შეათანხმა და 30 მილიონის სანაცვლოდ იგი "ოლდ ტრაფორდზე" 19 წლის ბრაზილიელ ვუნდერკინდს მოიყვანდა.

გაბრიელ ბარბოსას, რომელიც "სანტოსის" ღირსებას იცავს, ასევე უკავშირებდნენ ისეთ გუნდებს, როგორებიცაა: "ლესტერი", "ატლეტიკო" და "ინტერი". დაუზუსტებელი ინფორმაციით, ინგლისის მოქმედმა ჩემპიონებმა 21-მილიონიანი წინადადებით მიმართა "სანტოსს".

ბრაზილელი ფეხბურთელის აგენტმა, ვეგნერ რიბეირომ საკუთარი კლიენტის მიმართ ევროპიდან ინტერესები დაადასტურა.

თუმცა ბრაზილიური Globo Esporte-ის დასმულ კითხვაზე, რომელიც მისი კლიენტის "ოლდ ტრაფორდზე" გადასვლას უკავშირდებოდა, აგენტმა უპასუხა: "არა! არსებობს "მხოლოდ ვარაუდები"."

ჟოზე მოურინიომ მიმდინარე ზაფხულში, როგორც თვითონ განაცხადა, განახორციელა 4 პრიორიტეტული ტრანსფერი, თუმცა პორტუგალიელი სპეციალისტი მცველის დამატებასაც ეცდება. მთავარ პრეტენდენტად კი "საუთჰემპტონის" კაპიტანი, ხოსე ფონტე რჩება.

წყარო: M.E.N