ჟოზე მოურინიომ კლუბის გულშემატკივრებს მარუან ფელაინის შეყვარებისკენ მოუწოდა. ბელგიელი ნახევარმცველის მომავალი "იუნაიტედში" უკვე გარკვეულია.

დევიდ მოიესის მიერ "ევერტონიდან" ტრანსფერის შემდეგ, მარუანმა "ოლდ ტრაფორდზე" 3 სეზონი ჩაატარა, თუმცა შემადგენლობაში მუდმივი როლი ვერ მიიღო. მიუხედავად ამისა, პორტუგალიელი სპეციალისტი 28 წლის ნახევარმცველის გაშვებას არ აპირებს და მეტიც, ჟოზემ იგი "ლესტერის" წინააღმდეგ ინგლისის სუპერთასისა და "ბორნმუთი" წინააღმდეგ პრემიერ ლიგის პირველი ტურის მატჩების სასტარტო შემადგენლობაში შეიყვანა.

მიუხედავად იმისა, რომ ფელაინიმ ჯეიმი ვარდის საგოლე პასი გაუკეთა, იგი მოედანზე ერთ-ერთი საუკეთესო იყო და ეს მოურინიომ აღნიშნა კიდეც.

"მრჩება ისეთი წარმოდგენა, თითქოს "იუნაიტედის" გულშემატკივრებს მარუანი არ უყვართ, მაგრამ უნდა გავითვალისწინოთ ის, თუ როგორ თამაშობს ის. სწორედ ამიტომ, ფანებს მისი სიყვარულის მიზეზი ნამდვილად აქვთ, რადგან ის ჩვენთვის ძალიან მნიშვნელოვანია,"-განაცხადა მოურინიომ.

წყარო: Fapl.ru