"აიაქსის" ყოფილი და ახლა უკვე "ინტერის" მთავარი მწვრთნელი, ფრანკ დე ბური არ გამორიცხავს, რომ "მანჩესტერ იუნაიტედის" მცველი, დეილი ბლინდი მასთან ახალ კლუბში დაბრუნდება.

სწორედ დე ბურის ხელმძღვანელობის დროს გაითქვა ბლინდმა სახელი "აიაქსში", რის შემდეგაც კარიერა "მანჩესტერ იუნაიტედში" გააგრძელა.

მიუხედავად იმისა, რომ ჟოზე მოურინიო ჰოლანდიელს ენდობა, უნვერსალის შესაძლო წასვლის შესახებ ჭორები ჯერ კიდევ არ წყდება. იმ შემთხვევაში, თუ "ინტერს" შესაძლებლობა გამოუჩნდა, "ნერძური" 26 წლის მცველის შეძენას აუცილებლად შეეცდება.

"დეილი მე მომწონს, როგორც ფეხბურთელი. ის შესანიშნავი მოთამაშეა. ვიცი, რომ ის "მანჩესტერ იუნაიტედში" ბედნიერია და მოედანზე საკუთარ ძალებში დარწმუნებული გამოდის. ვნახოთ, არ ვიცი, რა მოხდება მომავალში.

შემიძლია ვთქვა, რომ ყველა ჩემს ყოფილ ფეხბურთელს ვგულშემატკივრობ. მე ყურადღებით ვაკვირდები კრისტიან ერიქსენს, ტობი ალდერვაილერდსა და რა, თქმა უნდა, დეილის,"-ციტირებს დე ბურის სიტყვებს Goal-ი.

წყარო: Fapl.ru