"მანჩესტერ იუნაიტედის" ოფიციალურმა საიტმა დაადასტურა, რომ პედი მაკნეირი და დონალდ ლავი კარიერას "სანდერლენდში" გააგრძელებენ, რომლის მთავარი მწვრთნელიც დევიდ მოიესი გახლავთ.
პედი მაკნეირმა, რომელიც ევრო 2016-ზე ჩრილო ირლანდიელთა ღირსებას იცავდა, პირველი გუნდის შემადგენლობაში 27 მატჩის ჩატარება მოახერხა.
დონალდ ლავის დებიუტი თებერვალში შედგა, სადაც "იუნაიტედი" "სანდერლენდთან" დამარცხდა ანგარიშით, 2-1.
ახალგაზრდებმა ახალ კლუბთან 4-წლიანი კონტრაქტი გააფორმეს.
ყოფილ "ეშმაკთა" ტრანსფერზე კომენტარი "იუნაიტედის" ყოფილმა და ახლა უკვე "სანდერლენდის" მწვრთნელმა, დევიდ მოიესმაც გააკეთა:
"პედი ახალგაზრდა, ათლეტური ფეხბურთელია, რომელიც ყოველთვის ვითარდება. მას ჩრდილოეთ ირლანდიის ნაკრებიდან გამოცდილება აქვს და გვინდა, რომ კლუბში ნაკრების ბევრი მოთამაშე ფეხბურთელი მოვიყვანოთ.
რაც შეეხება დონალდს, მას მაღალი რეკომენდაცია აქვს და არის კიდევ ერთი ახალგაზრდა ფეხბურთელი, რომლის ჩამოყალიბება და გაუმჯობესება შემიძლია.
მე ჩამოყალიბებულ ფეხბურთელებთან ერთად ახალგაზრდების დამატება მსურს. დონალდსა და პედის კარგი პოტენციალი და შეასძლებლობები აქვთ.
მსურს შევიძინო ფეხბურთელები გრძელვადიანი პერსპექტივით. ვფიქრობ, აქ ბიჭებიც სწორედ ამისთვის არიან,"