მატეო დარმიანი ევროპის ჩემპიონატის შემდეგ, არდადეგებიდან დაბრუნდა და ახალი მწვრთნელის ნდობის მოსაპოვებლად მზად არის.

ნაკრების თამაშები, დარმაინის სტარტის დაგვიანების მიზეზი გახდა. ჟოზე მოურინიოს გადაწყვეტილებით, ის "გალათასარაის" წინააღმდეგ მხოლოდ მეორე ტაიმში გამოჩნდა და "წითლების" მაისურით მეორე შეხვედრისთვის მზადაა.

ოფიციალური საიტისთვის მიცემულ ინტერვიუში მან სეზონის დაწყებამდე საკუთარ მომზადებაზე ისაუბრა: "ეს თამაში იყო ძალიან მნიშვნელოვანი, რადგან ეს არის ჩემი პირველი სავარჯიშო კვირა. კლუბის მოსამზადებელ ბანაკში გასულ კვირას დავბრუნდი და ამჟამად ჩემს ფიზიკურ ფორმაზე ვმუშაობ. ჯერჯერობით თამაშის თვალსაზრისით, ყველაფერი კარგად მიდის. ჩვენ, ბევრი კარგი ფეხბურთელი გვყავს, ასე რომ ჯანსაღ კონკურენციაში, ცუდი არაფერია. მთავარი წვრთნელისგან შანსს მშვიდად უნდა ელოდო. მივიჩნევ, რომ ის შესანიშნავი მწვრთნელია, რომელსაც ყოველთვის სურს გამარჯვება და მისი ტიტულების სია ყველაფერზე მეტყველებს.

ამ კვირას, ჩვენ მხოლოდ საკუთარ თავზე ვმუშაობთ, რათა მოვემზადოთ ახალი სეზონისთვის. მე მარჯვენა მცველი ვარ, მაგრამ მარცხნივ თამაში შემიძლია. თუ მწვრთნელს უნდა, რომ მარცხენა ფლანგზე ვითამაშო, დავეთანხმები და ჩვეულებრივ ვითამაშებ,"-აცხადებს იტალიელი