ჟოზე მოურინიომ "გალათასარაის" წინააღმდეგ მოგებული "ვარჯიშის" შემდეგ რამდენიმე თემაზე კომენტარი გააკეთა და განაცხადა, რომ ის ძალიან გახარებულია.

სეზონისთვის მომზადება კვლავ პრიორიტეტია

"ყველაზე მნისვნელოვანი რამ იყო თამაში, ფეხბურთელებისთვის წუთების მიცემა. ზოგიერთმა ცოტა ითამაშა, 30 წუთი, ზოგიერთს კი 60-65 წუთი ჰქონდა. ჩინეთში თითქმის კვირა დავკარგეთ და დღევანდელ მატჩში მონაწილე ზოგიერთი ფეხბურთელი, მხოლოდ 2 დღის განმავლობაში ვარჯიშობდა. ჩვენ გადავწყვიტეთ, მათთვის ცოტა დრო მიგვეცა, რადგან ისინი თავს, ორმაგ ვარჯიშთან შედარებით უკეთ იგრძნობდნენ. ასე რომ, ეს ყველაზე მნიშვნელოვანია."

ჩვენ სამუშაოდ, ცვლილებებისთვის და ახალი იდეების განსახორციელებლად დიდი დრო არ გვქონდა. ამ დროს ყველაფერი ნაბიჯ-ნაბიჯ არის და ამისთვის დრო არ გრჩება. "ლესტერთან" რამდენიმე დღეში მატჩი გვაქვს, ხოლო ორ კვირაში პრემიერ ლიგა. ჩვენ გვჭირდება დრო, რომელიც არ გვაქვს. ერთადერთი გამოსავალი არის მუშაობა, ოპონენტების წინააღმდეგ, როგორც ეს "გალათასარაისთან" გავაკეთეთ.

თამაშის ინტენსივობით მოხარული ვარ. გახარებული ვარ ასევე შეცდომებით, რომელიც დავუშვით, რადგან ჩვენ შეცდომებზე ვსწავლობთ. კმაყოფილი ვარ განწყობითა და ატმოსფეროთი, მაგრამ ჩვენ სამუშაო გვაქვს. კვირას ვიუქმებთ, თუმცა, ორშაბათს ორმაგი ვარჯიში გვაქვს. ოთხშაბათს კი რუნისა და ფანებისთვის "ოლდ ტრაფორდზე" ვიქნებით. გავაკეთებ იგივეს, როგორც ეს დღეს გავაკეთე. გავწვრთნი 22 ფეხბურთელს. მე არ მადარდებს ანგარიში, მინდა მივცე დრო ფეხბრუთელებს და ეს ყველაფერი თანმიმდევრობით გავაკეთო."

აჩვენეს ზლატანმა და მარკუსმა საკუთარი შესაძლებლობები?

"რა თქმა უნდა. ვფიქრობ, ყველამ საკუთარი თავი აჩვენა. ვინც 4:2 ანგარიშის დროს მოედანზე შევიყვანე ვუთხარი, რომ დაევიწყებინათ ანგარიში და ეთამაშათ 30 წუთი მაღალ ტემპში. მარკუსი ძალიან კარგი იყო. ასევე ზლატანმა აჩვენა თუ რისი მოტანა შეუძლია ჩვენთვის. როდესაც ვნახე ფელაინის, მარსიალისა და შნეიდერლინის მსგავსი ფეხბურთელები, რომლებიც ჩვენთან ორი დღეა რაც ვარჯიშობენ, ვუთხარი: "არ სცადოთ ინტენსიური თამაში, სცადეთ ისეთი ინტენსივობით, რომელიც თქვენთვის კომფორტული იქნება,"

მე ეს გზა მირჩევნია, სწორედ ეს ავირჩიე და ამიტომაც ბედნიერი ვარ. მოწინააღმდეგე გუნდით კმაყოფილი ვარ, რადგან მათ 6-7 მატჩი ჩაატარეს და ჩვენზე დიდი ტემპი ჰქონდათ. ძალიან ბედნიერი ვარ. მიხარია, რომ ჩვენს ჯგუფს მხოლოდ ტიმოთი და კრისი აკლდა, პატარა ტრავმებით. არანაირი დაზიანება, ყველაფერი ძალიან კარგად მიდის."

გააკეთეს ფეხბურთელებმა ისე, როგორც ეს თქვენ გეგმებში შედიოდა?

"დიახ, მათ ასე რომ არ გაეკეთებინათ, თითოს მხოლოდ 1 წუთს მივცემდი. მე არ ვაპირებ მათი შემადგენლობაში დატოვებას. გუნდში მაღალი კონკურენნციაა, რაც სეზონისთვის ძალიან მნიშვნელოვანია. ჩვენ 38 მატჩი გვაქვს პრემიერ ლიგაში, პლუს 15 თამაში ევროპა ლიგაზე და დამატებით ადგილობრივი თასები. სულ 60 მატჩი სეზონში და შეხვედრების ჩატარება 11 კაცით შეუძლებელია.

შემადგენლობა უფრო მნიშვნელოვანია, ვიდრე ინდივიდუალურობა. გუნდი მნიშვნელოვანია, ვიდრე ყველა ფეხბურთელი, რომლებიც თამაშისთვის მზად არიან. ყველაფერი შემადგენლობის ნაწილი. თუ გინდა, რომ იყო ასეთი დიდი კლუბის ნაწილი, შენთვის ყველაფერი მნიშველოვანი უნდა იყოს."

წყარო: ManUtd.com