"მანჩესტერ სიტი"

პეპ გვარდიოლამ განაცხადა, რომ გუნდში ვენსან კომპანის გარდა სხვა ტრავმირებული ფეხბურთელი არ არის.

წინასამატჩო ინფორმაცია

"მანჩესტერ სიტი"

როგორც "მანჩესტერ იუნაიტედში", ისე "სიტიში" შეიცვალა მთავარი მწვრთნელი. "ქალაქელები" პეპ გვარდიოლამ ჩაიბარა.

ახალი მწვრთნელის ხელმძღვანელობით "სიტიმ" პირველი ვარჯიში 5 ივლისს გამართა. გუნდს შეუერთდნენ მცველი ჯეისონ დენაიერი ("გალათასარაი"), ნახევარმცველები ბრუნო სუკულინი (აეკი), ილკაი გიუნდოგანი ("ბორუსია"), აარონ მუი ("მელბურნი"), ალექსანდრ ზინჩენკო ("უფა"); და ფორვარდი ნოლიტო ("სელტა").

20 ივლისს გვარდიოლას გუნდი მიუნხენში "ბაიერნს" შეხვდა და 1-0 დამარცხდა. სწორედ ბავარიის დედაქალაქიდან გაემგზავრა "სიტი" პეკინში, სადაც "მანჩესტერ იუნაიტედს" დაუპირისპირდება. გუნდს შეუერთდნენ შვებულებიდან დაბრუნებული ჯო ჰარტი, სერხიო აგუერო, ჯეისონ დენაიერი და დავიდ სილვა.




"მანჩესტერ იუნაიტედის" ფეხბურთელები არდადეგებიდან 7 ივლისს დაბრუნდნენ და ჟოზე მოურინიოსთან ერთად რამდენიმე სავარჯიშო სესიის გამართვის შემდეგ, 16 ივლისს პირველი წინასასეზონო მატჩი ჩაატარეს "უიგანთან" გასვლაზე, სადაც 2-0 მოიგეს. სტუმართა რიგებში თავი უილ კინმა და ანდრეას პერეირამ გამოიჩინეს.

19 ივლისს გუნდი ჩინეთში ჩაფრინდა, რათა ორი წინასასეზონო მატჩი გაემართა "ბორუსიასა" და "სიტის" წინააღმდეგ. ტურნეზე გუნდს შეუერთდნენ ნაკრების ფეხბურთელები, რომლებმაც 2016 წლის ევროპის ჩემპიონატზე ითამაშეს, გარდა ზლატან იბრაჰიმოვიჩისა, რომელმაც დასვენებისთვის დამატებითი დრო მიიღო.

შანხაიში გუნდმა რამდენიმე ვარჯიში გამართა და მეორე წინასასეზონო მატჩი ჩაატარა, რომელშიც დორტმუნდის "ბორუსიასთან" 4-1 განადგურდა. "იუნაიტედის" რიგებიდან თავი "ბორუსიას" ყოფილმა ფეხბურთელმა ჰენრიხ მხითარიანმა გამოიჩინა.


გუნდები ერთმანეთს ყველა ტურნირზე 171-ჯერ შეხვდნენ. 49 მოგებაა "მანჩესტერ სიტის" ანგარიშზე, 71 "მანჩესტერ იუნაიტედის" ანგარიშზე, ხოლო 51 მატჩი ფრედ დასრულდა.



"მანჩესტერ სიტი" 0-1 "მანჩესტერ იუნაიტედი"

თარიღი: 20 მარტი, 2016 წელი.
მსაჯი: მაიკლ ოლივერი
გოლი "იუნაიტედის" რიგებში: რეშფორდი 16'