ჟოზე მოურინიო აცხადებს, რომ "მანჩესტერ იუნაიტედის" ლეგენდარული ფეხბურთელებისგან მის მიმართ წამოსული კრიტიკის მისაღებად მზად არის.

"ოლდ ტრაფორდის" ახალი ბოსისთვის კარგად არის ცნობილი, რომ მედიაში მომუშავე ლეგენდარული ფეხბურთელები, როგორებიც როი კინი, პოლ სქოულზი, გარი ნევილი, რაიან გიგზი და რიო ფერდინანდი არიან, თავიანთ აზრებს საჯაროდ თამამად გამოთქვამენ.

მათი კრიტიკის სამიზნე არაერთხელ გამხდარა დევიდ მოიესი და ლუი ვან გაალი, რამდენიმე დღის წინ კი პოლ სქოულზმა პორტუგალიელს მოუწოდა, რომ პოლ პოგბაზე გადაჭარბებული თანხის გადახდა არ ღირს.

მაგრამ მოურინიო ასეთი კრიტიკოსების წინააღმდეგ წასვლას არ აპირებს და აცხადებს, რომ მათ კარინგტონზეც სიამოვნებით უმასპინძლებდა.

"ამ კლუბში იპოვით ხუთი, ათი, თხუთმეტი და ოცი წლის წინანდელ ლეგენდების. მათი ხმა მნიშვნელოვანია. ეს უნდა გვესმოდეს. როცა ადამიანი კლუბის ისტორიას ეკუთვნის, ის ჩვეულებრივი ექსპერტისგან განსხვავდება. მათ სხვაგვარად უნდა შეხედო. მათ პატივი უნდა სცე.

გულშემატკივართა სამყაროში იმდენად ძლევამოსილია მათი ხმა, რომ მათ დადებითი და უარყოფითი გავლენის მოხდენა შეუძლიათ. გულშემატკივრებს ისინი უყვართ და როცა დადებითად არიან განწყობილნი, ერთიანდებიან, ხოლო როცა უარყოფითად - უფრო რთულ სიტუაციას ქმნიან.

ისინი მუშაობენ და ბუნებრივია, რომ დამოუკიდებლები და პატიოსნები უნდა იყვნენ. ასე რომ, ჩემი მხრივ, როგორც "მანჩესტერ იუნაიტედის" მწვრთნელი, მათ ვერ ვთხოვ, კლუბის ისტორიის ნაწილი ხართ და დამეხმარეთ-მეთქი. უნდა შევეგუოთ, რომ, თუკი კმაყოფილნი არიან კლუბით, მხარდაჭერა გარანტირებულია; თუკი უკმაყოფილონი არიან, შეგაწუხებენ და უფრო გაართულებენ საქმეს.

მათ ვეტყვი: "სავარჯიშო მოედანზე თქვენს მოსვლას ყოველთვის მიესალმებიან". ნებისმიერ დროს, როცა აზრის გამოთქმა მოგინდებათ, მობრძანდით, ეს თქვენი სახლია და როცა გნებავთ, მაშინ დაბრუნდით", - განაცხადა მოურინიომ.

წყარო: M.E.N.