"ბაიერნის" ჰოლანდიელი შემტევი არიენ რობენი, პრემიერ ლიგაში პეპ გვარდიოლასა და ჟოზე მოურინიოს წლის საუკეთესო დუელს ელოდება, მაგრამ აცხადებს, რომ მანჩესტერული დერბი ორი მწვრთნელის დაპირისპირებაზე მეტი იქნება.

მოურინიომ ვან გაალი შეცვალა და "ოლდ ტრაფორდზე" ერიკ ბაიის, ჰენრიხ მხითარიანისა და ზლატან იბრაჰიმოვიჩის შეძენით, კლუბისთვის 21-ე ტიტულის მოსაპოვებლად საკმაოდ ფრთხილად ემზადება.

ამავდროულად, "სიტიში" პელეგრინი "ბარსელონასა" და"ბაიერნის" ყოფილმა მწვრთნელმა, პეპ გვარდიოლამ შეცვალა, რომელიც ადგილობრივი ჩემპიონატის გარდა, ჩემპიონთა ლიგის გამარჯვებასაც უმიზნებს.

რობენი, რომელსაც ორივე მწვრთნელის შემადგენლობაში უთამაშია, 2016/17 წლების სეზონის ბრძოლას მოუთმენლად ელის.

"ისინი დიდი მწვრთნელები არიან. ორივესთან ერთად სამი წლის განმავლობაში ვმუშაობდი და მათ აქვთ პროფესიონალიზმი, რომლებიც გუნდს საკუთარ სტილსა და მენტალობას შესძენენ. ამაში დარწმუნებული ვარ.

მათი თვალყურის დევნება საინტერესო იქნება, თუმცა, არამარტო მათი, არამედ რა თქმა უნდა მოედანზე გამოსული ფეხბურთელების. დერბი მეტია, ვიდრე მწვრთნელების დაპირისპირება. დარწმუნებული ვარ, რომ თქვენ მათ ხელწერას აუცილებლად შეამჩნევთ."

რობენმა, კითხვას თუ რომელ მწვრთნელთან მუშაობას არჩევდა კვლავ, თავი აარიდა.

"არა, ამის თქმა ნამდვილად არ შემიძლია. მათი ხელმძღვანელობის დროს, ერთმანეთისგან სრულიად განსხვავებული კარიერა მქონდა.

როდესაც მოურინიოსთან ვმუშაობდი, ვიყავი ახალგაზრდა და საზღვარგარეთ ეს ჩემი პირველი კლუბი იყო. პეპთან კი უფრო ასაკოვანი ვიყავი და ეს განსხვავებული იყო. ორივენი ჩემს კარიერაში საინტერესონო იყვნენ და სრულად შეეფერებოდნენ მას,"

წყარო: Goal