"უიგანის" დამაჯერებელი ანგარიშით (0-2) დამარცხების შემდეგ, "მანჩესტერ იუნაიტედის" შედეგით ჟოზე მოურინიო ძალიან აღფრთოვანებული იყო. პორტუგალიელმა სპეციალისტმა, MUTV-სთან სადებიუტო მატჩის შემდეგ რამდენიმე თემაზე ვრცლად ისაუბრა.
სადებიუტო შეხვედრისა და პირველი გამარჯვების შესახებ:
"მე ძალიან ბედნიერი ვარ. ანგარიში აშკარად არ არის ძალიან მნიშვნელოვანი, თუმცა ეს მაინც დიდ როლს თამაშობს. ბედნიერი ვარ, რადგან იყო ზოგიერთი დეტალი, რომელსაც ვანხორციელებდით ვარჯიშის დროს ჩვენი პრინციპებით და მე ეს მოედანზეც დავინახე. ისინი შესანიშნავნი ვერ იყვნენ ბევრი მიზეზის გამო, რადგან 10 ვარჯიშში საუკეთესო ვერ იქნები. დაღლილობისა და ფორმაში არ ყოფნის განცდა, დიდ დროს გართმევს. თუმცა, მე დავინახე ბევრი რამ, რამაც ძალიან დამაკმაყოფილა. მატჩში მონაწილეობა ყველამ მიიღო და თითოეულმა პოზიტიური მოქმედება აჩვენა.
ფანებზე:
ყველაზე საუკეთესო იყო ის, რომ ამხანაგურ მატჩს, რომელსაც მე ვარჯიშს ვუწოდები განსხვავებული გუნდის წინააღმდეგ, დაესწრო ძალიან ბევრი გულშემატკივარი, რომელიც ჩემს გუნდს პერმამენტულად ქომაგობდნენ. მათი მხრიდან ბედნიერების გამოვლინება იყო ის, რაც ფანებმა ნახეს გუნდისგან. ეს ნამდვილად ფანტასტიკური იყო.
ახალწვეულების სადებიუტო შეხვედრა:
ჰენრიხი ტოპ-კლასის ფეხბურთელია და 27/28 წლის ასაკში, ფეხბურთელისთვის საუკეთესო დონეზე იმყოფება. ის ძალიან სწრაფად ფიქრობს. ცენტრ-ფორვარდის უკან, მხითარიანს განსხვავებულ პოზიციებზე თამაში შეუძლია. მას ამჟამად საუკეთესო ფორმა არ აქვს, თუმცა, ჰენრიხის პერფორმანსი ძალიან დადებითი იყო.
ფანებმა აჩვენეს, თუ როგორ მოსწონთ მათ ერიკ ბაიის მუშაობა. ის ახალგაზრდა ფეხბურთელია, რომელიც განსხვავებულ გარემოდან მოვიდა, მაგრამ უნდა დაუკვირდეთ იმას, თუ ვინ არის ის ამ მომენტში. მე მას ყველაფერს მივცემ იმისთვის, რომ იყოს უკეთესი, როგორც სხვა მცველები, ჩემს ხელში. მან, შეძენისას აჩვენა საკუთარი სრული პოტენციალი.
ახალგაზრდების შესახებ:
შენ შეგიძლია ითამაშო 90 წუთი, ან 1 წუთი და შეიძლება ეს ერთი წუთი სრულიად საკმარისი აღმოჩნდეს. აქსელ ტუანზებესთვის 10 წუთი საკმარისი აღმოჩნდა! [იცინის] მისი პოტენციალი აქ არის, თქვენ კი მისი ნახვა შეგიძლიათ. თქვენ მას ჩემზე კარგად იცნობთ. აქსელი "იუნაიტედში" უკვე მერამდენი წელია რაც ასპარეზობს, ხოლო მე აქ რამდენიმე კვირაა რაც ვარ. ყველას შეუძლია ნახოს, რომ აქსელის ნიჭის სანახავად საკმარისი მხოლოდ ათი წუთი იყო.
ანდრეასს ძალიან დიდი ნიჭი აქვს. მას შესანიშნავი ხედვა და ბრწყინვალე ტექნიკა გააჩნია. მე ვსაუბრობ ორ ფეხბურთელზე, თუმცა ამ გუნდში ბევრი ისეთი ბიჭია, რომლებიც არანაირ ზეწოლას არ გრძნობენ და ცხელ, თუ ცივ სიტუაციებში სიმშვიდეს ინარჩუნებენ. ეს იყო ჩემთვის, მათი შესაძლებლობების სანახავად შესანიშნავი გზა.