შვედმა ახალწვეულმა ზლატან იბრაჰიმოვიჩმა შესაძლოა, ევრო 2016-ის შემდეგ დამატებითი დასვენების დრო მიიღოს.
მიუხედავად იმისა, რომ საფრანგეთში გამართული ევროპის ჩემპიონატის შემდეგ, ზლატანმა FIFA-ს წესების მიხედვით 3 კვირიანი არდადეგები მიიღო, ჟოზე მოურინიომ შეიძლება იბრას კიდევ ერთხელ შეუწყოს ხელი და ჩინეთში გასამართ წინასასეზონო ტურნეზე არ წაიყვანოს.
ამჟამად ზლატანი, რომელმაც ზაფხულში სანაკრებო კარიერა დაასრულა, ისვენებს, თუმცა, სოციალურ ქსელებში ვარჯიშის ამსახველი ვიდეობით, საკუთარ მიმდევრებს ხშირად ახარებს.
კიდევ ერთხელ უნდა აღინიშნოს, რომ "წითელი ეშმაკები" მატჩს 22 ივლისს შანხაიში, ხოლო 25 ივლისს პეკინში გამართავენ, ასე რომ, ყველაზე სარწმუნოა ის ვერსია, რომლის თანახმადაც, შვედი სუპერვარსკვლავი "იუნაიტედის" მაისურით პირველ შეხვედრას გიოტებორგეში, "გალათასარაის" წინააღმდეგ მატჩში ჩაატარებს. შეხვედრა 30 ივლისს გაიმართება.
რაც შეეხება, დანარჩენ ორ ახალწვეულს: ერიკ ბაიისა და ჰენრიხ მხითარიანს, ორივე კარინგტონზე იმყოფება და ჩინეთში გასამგზავრებლად უკვე 100%-ით მზად არიან.