მოგეხსენებათ, ხვალ "DW სთედიუმზე" "უიგან ათლეტიკი" ამხანაგურ მატჩში "მანჩესტერ იუნაიტედს" უმასპინძლებს. აღნიშნული შეხვედრა, მანჩესტერელთა მწვრთნელის, ჟოზე მოურინიოსთვის "ეშმაკთა" მენეჯერის ამპლუაში პირველი იქნება. შესაბამისად, საკითხავია თუ რა შემადგენლობით მოგვევლინება უიგანში პორტუგალიელი სპეციალისტი.
"იუნაიტედის" ორი ახალწვეული: ჰენრიხ მხითარიანი და ერიკ ბაიი მატჩის განაცხადში არიან, ასე რომ ისინი დღევანდელ მატჩში მონაწილეობას აუცილებლად მიიღებენ.
ხვალ დიდი ალბათობით მოედანზე გამოვა ახალგაზრდა ინგლისელი, ლუკ შოუ, რომელმაც ფეხის ტრავმის გამო თამაში 10 თვის განმავლობაში ვერ შეძლო და გუნდთან ერთად პირველად ამ კვირას ივარჯიშა.
კლუბის ოფიციალური ვებ-გვერდის ინფორმაციით, მატჩში ისეთი ახალგაზრდა ფეხბურთელები იქნებიან ჩართულები, როგორებიცაა: ალექს ტუანზებე, ტიმოთი ფოსუ-მენსა, ჯეიმს უილსონი, ანდრეას პერეირა, ჯოელ კასტრო პერეირა და დინ ჰენდერსონი, რომლებმაც დღეს პირველ გუნდთან ერთად ივარჯიშეს.
მატჩში ასევე აუცილებლად მიიღებენ მონაწილეობას პირველი გუნდის ფეხბურთელები: მემფის დეპაი, ადნან იანუზაი, მაიკლ კერიკი, ეშლი იანგი, ანტონიო ვალენსია, ფილ ჯონსი და დეილი ბლინდი, რომლებსაც მოურინიო, ასიტენტ რუი ფარიასთან ერთად Aon-ის სავარჯიშო კომპლექსზე დიდი ხანია აკვირდება.
აღნიშნულ მატჩშს გამოტოვებს "იუნაიტედის" ერთ-ერთი ახალწვეული, ზლატან იბრაჰიმოვიჩი, რომელსაც ევრო 2016-ის შემდეგ ზაფხულის არდადეგები აქვს.
ევროპის ჩემპიონატის გამო, დღევანდელ მატჩში ვერ ვიხილავთ ინგლისელთა ტრიოს: მარკუს რეშფორდს, უეინ რუნისა და კრის სმოლინგს. ინგლისელი ვარსკვლავები გუნდს, მომავალ კვირას, ჩინეთში გასამართ ტურნეზე შეუერთდებიან.
შეგახსენებთ, რომ "საერთაშორისო ჩემპიონთა თასის" ფარგლებში "მანჩესტერ იუნაიტედი", 22 და 25 ივლისს, დორტმუნდის "ბორუსიასა" და "მანჩესტერ სიტის" დაუპირისპირდება.
წყარო:
Sky Sports