"პარის სენ-ჟერმენი" "იუნაიტედის" 30 წლის ეკვადორელი ვინგერის, ანტონიო ვალენსიას შეძენით ინტერესდება.
გუნდში უნაი ემერის მოსვლის შემდეგ დიდი ცვლილებები იგეგმება და გრეგორი ვან დერ ვილის წასვლის შემდეგ მარჯვენა მცველის პოზიციაზე, ფრანგები სწორედ ვალენსიას კანდიდატურას განიხილავენ.
Futbol Mercato-ის მიერ გავრცელებული ინფორმაციის თანახმად, პარიზული კლუბი ეკვადორელის სანაცვლოდ, რომელმაც ტრავმების გამო სეზონის ძალიან დიდი ნაწილი გამოტოვა, მზადაა "ეშმაკებს" 26 მილიონი ფუნტი(32 მილიონი ევრო) გადაუხადოს.
შეგახსენებთ, რომ ვალენსია "მანჩესტერ იუნაიტედს" 2009 წელს, 16 მილიონი ფუნტის სანაცვლოდ შეუერთდა. ამ დროის განმავლობაში მან "წითლების" მაისურით პრემიერ ლიგაში 176 შეხვედრა ჩაატარა და თავი 13 გოლით გამოიჩინა.