სერ ალექს ფერგიუსონმა ინგლისის ასოციაციაში თანამდებობის პირებს ინგლისის მთავარი მწვრთნელის პოსტზე "სანდერლენდის" მენეჯერის, სემ ელერდაისის კანდიდატურა შესთავაზა.

როი ჰოჯსონის გადადგომისა და ევროპის ჩემპიონატზე "სამი ლომის" ჩავარდნის შემდეგ, ასოციაცია ახალ სპეციალისტს ეძებს და მთელი რიგი სამიზნეები ჰყავს.

ამ დროს ფერგიუსონმა 61 წლის სპეციალისტს რეკომენდაცია გაუწია. ლეგენდარული შოტლანდიელის აზრით, "დიდ სემზე" უკეთეს მენეჯერს ასოაციაცია ვერ იპოვის.

"პრემიერ ლიგაში მხოლოდ 3 ინგლისელი მწვრთნელი მუშაობს, თუმცა სემზე გამოცდილ მენეჯერს ვერ იპოვით. მათ უნდა ეძებონ ფართოდ და იპოვონ პოსტისთვის შესაფერისი მწვრთნელი.

მადლობა ღმერთს, მე არ ვარ ამ გადაწყვეტილებაზე პასუხისმგებელი, რადგან არჩევანის გაკეთება წარმოუდგენლად რთულია. თუმცა, სემის დიდი გამოცდილებისა და პრემიერ ლიგაში მისი ყოფნის გათვალისწინებით, ის ინგლისელებს შორის საუკეთესო კანდიდატია,"-ციტირებს ფერგიუსონის სიტყვებს The Guardian.

წყარო: Fapl.ru