ჟოზე მოურინიომ "მანჩესტერ იუნაიტედის" მთავარი მწვრთნელის პოსტზე დანიშვნის შემდეგ პირველი პრესკონფერენცია უკვე გამართა, მოგვიანებით კი კლუბის ოფიციალურ ტელევიზიას მისცა ინტერვიუ, სადაც ხუთ სხვადასხვა საკითხზე ისაუბრა.

ვარჯიში ხუთშაბათს დაიწყება

როცა ჰკითხეს, რამდენად მონდომებულია ახალი სამსახურის დაწყებაზე, მოურინიომ უპასუხა: "ძალიან! მოედანზე ვარჯიში მინდა და მიუხედავად იმისა, რომ წინასეზონო ტურნეს სტარტზე ბევრი ფეხბურთელი არ იქნება აქ, უკვე მყავს ჯგუფი, რომელიც მელის ხუთშაბათს და უკვე ვგრძნობ ვნებას!"

გუნდი სხვა სტილში ითამაშებს

მოურინიომ განაცხადა, რომ კლუბში თავის სტილს მიიტანს: "დიახ, გასულ წელთან შედარებით სულ სხვა სტილს შემოგთავაზებთ. მისტერ ვან გაალი აბსოლუტურად ტოპ-მწვრთნელია და მისი ფილოსოფია ძალზედ ცხადია. ჩემი ფილოსოფია კი განსხვავებული. უკეთესი კი არა, უბრალოდ განსხვავებული. ჩემი ფეხბურთიც სხვანაირია. მე უფრო ვერტიკალური ვარ, უფრო ინტენსიური და ბურთის კონტროლი შანსის შესაქმენლად მიყვარს. ბურთს მხოლოდ სტატისტიკის გასაუმჯობესებლად არ ვფლობ და არც გარდაქმნადი თამაში მაშინებს. გარდაქმნა ყოველთვის მატჩის დროს ხდება. ბურთის დაკარგვა არ მაშინებს, რისკი არ მაშინებს".

რატომ შევიძინეთ ბაიი

მწვრთნელს მიაჩნია, რომ კოტ დ'ივუარელი მცველი ერიკ ბაიი გუნდს იშვიათ ხარისხს შესძენს. "ასე ადვილი არ არის მაღალი და სწრაფი ბიჭის პოვნა. მაგრამ მას, ჩვენი რწმენით, ორივე ეს ატრიბუტი აქვს. ფიზიკურად ძალიან ძლიერი და ძალიან სწრაფიცაა".

ინგლისური ტრიო ტურნეზე არ ითამაშებს

მიუხედავად იმისა, რომ "იუნაიტედის" ინგლისური ტრიო კრის სმოლინგის, უეინ რუნისა და მარკუს რეშფორდის სახით ჩინეთში გუნდს წინასასეზონო ტურნეზე გაჰყვება, მოურინიო აცხადებს, რომ ისინი მატჩებში მონაწილეობას არ მიიღებენ: "წავიყვან, მაგრამ არ ვათამაშებ".

"უიგანთან" მატჩში ორი ახალგაზრდა ითამაშებს

ტაირელ უორენი და აქსელ ტუანზებე წინასასეზონო ტურნეს მატჩში, რომელიც "DW სტედიუმზე" გაიმართება, მონაწილეობას მიიღებენ. "მათ არ ვიცნობ, მაგრამ ნიკი ბატსა და ჯონ მარტოს ვენდობი, ისევე როგორც, ახალგაზრდულ სტრუქტურას, როცა ამბობენ, რომ რამდენიმე ფეხბურთელი მცირე ხანში პირველ გუნდში ითამაშებს".

წყარო: manutd.com