LIVe: მოურინიოს პირველი პრესკონფერენცია



მოგესალმებით და გთავაზობთ "მანჩესტერ იუნაიტედის" მთავარი მწვრთნელის, ჟოზე მოურინიოს პირველ პრესკონფერენციას, რომელიც თბილისის დროით 14 საათზე დაიწყო.

მოურინიოს პირველი შეკითხვა

ჟოზე ყოველთვის იყო განსაკუთრებული და ბედნიერი, მაგრამ რას ფიქრობს ახლა? "არ ვიცი. ადრე ორჯერ ჩამოვედი ამ ქვეყანაში, მაგრამ ეს განსხვავებულია. "ჩელსიმ" დამითხოვა და მაინც დავრჩი იმავე ქვეყანაში იმავე ხალხთან ერთად. ახალი არაფერია. მოვედი კლუბში, რომლის აღწერაც რთულია... არ მომწონს იმის აღნიშვნა, რომ ეს საოცნებო სამსახურია. ეს რეალობაა, რეალობა კი არის, რომ ეს არის სამსახური, რომელსაც ყველა ინატრებდა".

მოურინიოს სატრანსფერო გეგმები

"ოთხი პრიორიტეტი დავისახეთ, ოთხ პოზიციაზე, რათა გარკვეული ბალანსი შევძინოთ გუნდს და გარკვეული ხარისხიც, რაც მე მჭირდება და მსურს. როგორც იცით, ისინი, რომელიც უკვე ჩანს. მე ვარ მწვრთნელი, რომელსაც მოსწონს სპეციალისტები და არა მულტი-ფუნქციური ფეხბურთელები. ჩემს სათამაშო მოდელში ძალზედ ცხადი ვარ, ასე რომ, სპეციალისტები მჭირდება. ჩვენ ოთხი სამიზნე გვაქვს... სანამ მეოთხე არ გვეყოლება, კვლავ ბევრს ვიშრომებთ".

ჟოზე პეპ გვარდიოლასთან დაპირისპირების შესახებ

"ვილაპარაკო ერთ მწვრთნელზე, ერთ კლუბზე, სიტყვებს ვერ შევარჩევ, მაგრამ ერთ მტერზე-მეთქი რომ ვთქვა, სწორი არ იქნებოდა. ერთია, როცა ისეთ კონკურენციაში ხარ, როგორშიც მე ვიყავი ესპანეთში, სადაც ორი ცხენის რბოლა მიმდინარეობდა. იტალიაში სამი გუნდი იყო. მაგრამ პრემიერ ლიგაში ასეთი შეგრძნება საერთოდ არ გაქვს. თუ ერთ გუნდზე ან ერთ ოპონენტზე იფიქრებ, სხვები გაიცინებენ ბოლოს და მე ამის ნაწილი ვერ ვიქნები. მე "მანჩესტერ იუნაიტედის" მწვრთნელი ვარ და ქვეყნის ყველა კლუბს ვცემ პატივს"

მოურინიო ახალგაზრდების შედეგს იცავს

"აკადემიიდან 49 ფეხბურთელი ავიყვანე. თუ გსურთ, სიას მოგცემთ. ასეთი შედეგის შემთხვევაზე ორი ფაქტორი ახდენს გავლენას, რადგან ხანდახან სხვა შანსი არა გაქვს ან ტრავმის გამო უნდა აიყვანო. მეორე ფაქტორი კი არის, რომ, თუ დიდი მიზნებისთვის არ თამაშობ, მათი დაწინაურება ადვილია. ჩემი ფეხბურთელების ტრავმიანობა ძალიან, ძალიან იშვიათია. ფეხბურთელებს საჭიროების გამო არასდროს ვაწინაურებ - ამას რწმენის გამო ვაკეთებ".

რეაქცია გიგზის წასვლაზე

"სამუშაო, რომელიც რაიანს სურდა, არის კლუბში, რომელიც მე მარგუნეს. ჩემი ბრალი არ არის. რაიანს "მანჩესტერ იუნაიტედის" გაწვრთნა უნდოდა და კლუბმა გადაწყვიტა, რომ ეს სამსახური საჩემო იყო. ამიერიდან რაიანს ისევე სურს მწვრთნელობა, როგორც მე მსურდა 200 წელს. დგება მომენტი, როცა გადაწყვეტილებას იღებ და რაიან მიიღო. შეეძლო ის ყოფილიყო კლუბში, რასაც ისურვებდა, მაგრამ მან მამაცური გადაწყვეტილება მიიღო.

სერ ალექსის რჩევა ჟოზეს

"მან მითხრა, ქოლგა წამოიღეო! გუშინ ვერც კი ვიფიქრებდი, რომ სავარჯიშო მოედანზე იწვიმებდა, ასე რომ, დიდებული რჩევა მივიღე. მეორე რჩევა ის იყო, რომ მითხრა, ჩემი ღვინო წამომეღო თან, რადგანა ამიერიდან ერთად ხშირად ვიქნებოდით. ახლა ევროპის ჩემპიონატზეა, ასე რომ, ამ კვირაში ვერ ვნახავ, მაგრამ მისი არდადეგები როცა დასრულდება, ერთმანეთს ხშირად შევხვდებით. სავარჯიშო მოედანზე მის მოსვლას ყოველთვის სიხარულით შეხვდებიან და ერთად ბევრ მომენტს გავიზიარებთ".

სად ითამაშებს რუნი?

"ბევრი საქმეა გასაკეთებელი და ერთ-ერთი, რომელიც ყველაზე რთულია, ბადეში ბურთის შეგდებაა. ფეხბურთელები წლების განმავლობაში იცვლებიან, იცვლება მათი ხარისხი, ხასიათი. ნორმალურია, რომ მისი ასაკის ფეხბურთელი იცვლება, მაგრამ ის, რაც არასდროს იცვლება, გოლის გატანის ბუნებრივი წყურვილია. შესაძლოა, თავდამსხმელი ან "ცხრიანი" აღარ იყოს, მაგრამ კარიდან 50 მეტრის დაშორებით არასდროს ითამაშებს. ის იქნება ცხრიანი, ათიანი, ცხრანახევარი, მაგრამ არასდროს ექვსიანი ან რვიანი".