"მანჩესტერ იუნაიტედი" ჟოზე მოურინიოს მესამე შენაძენად კვირის ბოლომდე ჰენრიხ მხითარიანს აქცევს.

27 წლის ნახევარმცველის ტრანსფერი დორტმუნდის "ბორუსიამ" ოფიციალურად დაადასტურა.

იმის ასახსნელად, თუ რატომ გადავა სომეხი "იუნაიტედის" რიგებში "ვესტსფალენშტაიონზე" გატარებული სამი წლის შემდეგ, "ბორუსიას" აღმასრულებელმა დირექტორმა ჰანს-იოახიმ ვატცკემ განაცხადა: "ამ ტრანსფერის განხორციელების გადაწყვეტილება ძალიან რთულად მივიღეთ, სანამ უნიკალური მოლაპარაკებებეს პროცესში ჩვენი თავი შემდეგ მდგომარეობაში არ აღმოვაჩინეთ: "მანჩესტერმა" არნახულად სულგრძელი წინადადება გაგვიკეთა.

ის რომ არ მიგვეღო, მაშინ ფეხბურთელი 2017 წელს უფასოდ დაგვტოვებდა. ჩვენ კი მხოლოდ ერთწლიან ფეხბურთელზე პასუხის გაცემა მოგვიხდა"

როგორც მოსალოდნელია, მხითარიანი მანჩესტერში მიმდინარე კვირაში ჩავა და კარინგტონზე სამედიცინო შემოწმებას გაივლის, რის შემდეგაც სამუშაო ნებართვის მიღება დასჭირდება და ტრანსფერის გაფორმების შემთხვევაში "იუნაიტედის" ფეხბურთელი გახდება.

რაც შეეხება კლუბებს, მხარეები უკვე შეთანხმდნენ და "იუნაიტედში" ტრანსფერთან დაკავშირებით პრობლემებს არ ელიან.

წყარო: M.E.N.