ჟოზე მოურინიო "დერბი ქაუნთის" ნახევარმცველით, უილ ჰიუზით დაინტერესდა.

"მანჩესტერ იუნაიტედის" ახალმა მთავარმა მწვრთნელმა თავის გუნდში ზლატან იბრაჰიმოვიჩი, ჰენრიხ მხითარიანი და ერიკ ბაიი გადაიბირა, მაგრამ ინგლისელი ფეხბურთელის დამატებაც სურს.

"იუნაიტედმა" "დერბის" სთხოვა, ჰიუზის პროგრესირების შესახებ ინფორმაცია iPro-ზე მიეწოდებინა.

ნახევარმცველმა გასულ სეზონში მუხლის ტრავმის გამო 6 თვე გამოტოვა და მოედანს მხოლოდ აპრილში დაუბრუნდა.

"წითლებს" მიაჩნიათ, რომ 21 წლის ჰიუზი პირველი გუნდის ნაწილი გახდება, სანამ მომავალში სასტარტო შემადგენლობაში მოხვედრისთვის იბრძოლებს.

"დერბი" ფეხბურთელისთვის 7 მლნ. ფუნტს ითხოვს. ჰიუზს მოქედი კონტრაქტი ორ წლის შემდეგ ეწურება, თუმცა კლუბი მას ახალი შეთავაზებით მიმართავს.

"დერბიში" გატარებული სამი სეზონის შემდეგ ინგლისის 21-წლამდელთა მოთამაშე რამდენიმე ტოპ-კლუბის სამიზნე გახდა.

წყარო: thesun