პორტუგალიელ მცველ ჟოზე ფონტეს მიაჩნია, რომ "მანჩესტერ იუნაიტედმა" რენატუ სანჩეშის ხელიდან გაშვებით ბევრი დაკარგა.

სანჩეშმა ევროპის ჩემპიონატის 1/4 ფინალურ მატჩში პოლონელების წინააღმდეგ გოლის გატანა მოახერხა და კარგი თამაში ჩაატარა, მოგვიანებით გაიტანა გოლი პენალტების სერიაში, რომელიც პორტუგალიელებმა 5-3 მოიგეს.

"ბენფიკას" ყოფილ ფეხბურთელს დიდი ხნის განმავლობაში უკავშირებდნენ "იუნაიტედის" სახელს, მაგრამ რენატუ მიუნხენის "ბაიერნში" გადავიდა 35 მლნ. ფუნტად, რომელიც ბონუსების სახით შესაძლოა 80 მილიონამდე გაიზარდოს.

ფონტეს მიაჩნია, რომ "წითელმა ეშმაკებმა" ტრანსფერი განუხორციელებლობით ბევრი დაკარგეს.

"რამეთუ მე პრემიერ ლიგაში ვთამაშობ, ვფიქრობ, რომ ძალიან კარგი ნიჭი დაკარგეს.

კარგი ბავშვია, უფროსებს უსმენს, სწავლობს, რაც კარგია. გუნდში მისი ყოლა დიდებულია და ჩვენი ნაკრების მომავალი იქნება.

არავითარ შიშს არ გრძნობს. უბრალოდ არ აღელვებს. ყოველ წამს მიდის და ბურთს ითხოვს.

სანჩეშს აქვს ძალა და ენერგია იმისათვის, რომ მთელი დღე ირბინოს და ეს დიდებული უნარია. "ბაიერნს" გაუმართლა, რომ მისნაირი ფეხბურთელი შეიძინა", - განაცხადა ფონტემ.

წყარო: goal.com