რიო ფერდინანდს ინგლისის ნაკრების მომდევნო მწვრთნელთან ერთად მუშაობა სურს.
"მანჩესტერ იუნაიტედისა" და ინგლისის ნაკრების ყოფილ მცველს ახალი ეროვნული გუნდის ფორმირებაში მონაწილეობის მიღების იმედი აქვს.
ტურნირის ყველაზე დაბალრეიტინგულ გუნდთან, ისლანდიის ნაკრებთან დამარცხების შემდეგ როი ჰოჯსონმა მთავარი მწვრთნელის პოსტი დატოვა, რაც იმას ნიშნავს, რომ "სამ ლომს" ახალი მწვრთნელი ეყოლება.
37 წლის ფერდინანდს მიაჩნია, რომ მისი გამოცდილება, პროგრესული იდეები და შესაძლებლობები ინგლისელი ფეხბურთელების განვითარებასა და ეროვნული ნაკრების მწვრთნელისთვის დახმარების გაწევაში შეუწყობს ხელს.
ფერდინანდი ევროპის ჩემპიონატის მიმდინარეობისას BBC-ს ექსპერტად მუშაობს და მისი ზუსტი ანალიზით მაყურებელთა სიმპათიას იღებს. მისი კომენტარი ინგლისელთა წარუმატებლობაზე შემდეგ იყო:
"თუ არ იცი, რომელია შენი საუკეთესო გუნდი ან ფორმაცია, პრობლემა გექმნება. წარმოდგენაც კი არ გვქონდა, სად დარბოდნენ ფეხბურთელები. არავითარი გამჭრიახობა არ შეიმჩნეოდა", - განაცხადა ფერდინანდმა.
ბუკმეკერთა ფავორიტად ინგლისის 21-წლამდელთა ნაკრების მწვრთნელი გარეთ საუთგეითი ითვლება როი ჰოჯსონის შემცვლელის თანამდებობაზე.