ამას ნეგატიური გავლენა ექნება კლუბების სატრანსფერო პოლიტიკაზე.

ინგლისურ კლუბებს წინააღმდეგობის გარეშე შეუძლიათ ევროკავშირის ქვეყნების მოქალაქე ფეხბურთელთა შეძენა, მაშინ, როცა მოთამაშეებს, რომლებიც ევროკავშირში შემავალი ქვეყნების ან ევროპის ეკონომიკური ზონის ქვეყნების მოქალაქეები არ არიან, სამუშაო ნებართვა დასჭირდებათ. გასულ წელს ინგლისის საფეხბურთო ასოციაციის ხელმძღვანელის გრეგ დაიკის ინიციატივით, ინგლისის ჩემპიონატში ფეხბურთელთა გადასვლის წესები გამკაცრდა.

ჯერჯერობით უცნობია, რით დასრულდება რეფერენდუმი, მაგრამ ევროკავშირიდან დიდი ბრიტანეთის გამოსვლის შემთხვევაში ევროპის სხვა ქვეყნების მოქალაქე ფეხბურთელთა შეძენისას ინგლისური კლუბები წააწყდებიან იმავე პრობლემას, რასაც, მაგალითად, სამხრეთ ამერიკელი ფეხბურთელების შეძენისას წააწყდებოდნენ. სამუშაო ნებართვის მიღებისთვის ფეხბურთელი გარკვეულ მოთხოვნილებებს უნდა აკმაყოფილებდეს. ლეგიონერი უნდა იყოს წარმომადგენლები ქვეყნისა, რომელიც შედის FIFA-ს რეიტინგის პირველ 50-ეულში და ამასთან ერთად, ბოლო 2 წლის განმავლობაში ნაკრების რიგებში საერთაშორისო დონეზე მატჩების 75% უნდა ჰქონდეს ჩატარებული.

ფრანგები, დიმიტრი პაიე ("ვესტ ჰემი"), ენტონი მარსიალი ("მანჩესტერ იუნაიტედი") და ნ'გოლო კანტე ("ლესტერ სიტი") თავიანთ კლუბებში გადასვლის მომენტში მოცემულ მოთხოვნილებებს ვერ აკმაყოფილებდნენ, ისევე, როგორც კურტ ზუმა ("ჩელსი") და ელიაკიმ მანგალა ("მანჩესტერ სიტი").



ლონდონის საემიგრაციო სამსახურის სპეციალისტი ანტონია თორი ფიქრობს, რომ ევროკავშირიდან დიდი ბრიტანეთის გამოსვლის შემთხვევაში მოცემული სისტემა შესწორდება: "საფეხბურთო ასოციაციის წესები ყოველ წელს იცვლება. დიდი ალბათობით, ზოგიერთი პირობაც შეიცვლება. შესაძლოა, თავისი ეროვნული ნაკრების რიგებში ჩასატარები მატჩების პროცენტმა დაიწიოს, ასეთ შემთხვევაში ფეხბურთელებს უფრო გაუადვილდებათ სამუშაო ნებართვის მიღება.

თუკი საფეხბურთო ასოციაცია ჩათვლის, რომ ევროკავშირიდან გამოსვლა ნეგატიურად აისახება პრემიერ ლიგის კლუბებზე, ევროპის ქვეყნების წარმომადგენელთათვის ცალკეულ წესებს შემოიღებენ".

ამჟამად არსებობს კრიტერიუმები, რომლის მიხედვითაც წყდება, მიიღებს თუ არა ფეხბურთელი ნებართვას. კრიტერიუმები ფასდება ქულებით და მოისაზრებენ სატრანსფერო ღირებულებას, ფეხბურთელის ხელფასსა და თავის ყოფილ გუნდში ჩატარებული მატჩების რაოდენობას. ამ კრიტერიუმების მიხედვით "ჩელსიმ" გასულ ივლისში 19 წლის ბრაზილიელი კენედი შეიძინა.



თორი ასევე ფიქრობს, რომ მოცემული კრიტერიუმები შემსუბუქდება, რათა ლეგიონერებმა ადვილად დააგროვონ აუცილებელი ქულების რაოდენობა.

კითხვა იმის შესახებ, თუ როგორ შეძლებენ პრემიერ ლიგის კლუბები ფეხბურთელების შეძენას ევროკავშირიდან დიდი ბრიტანეთის გამოსვლის შემთხვევაში, ჯერ კიდევ პასუხგაუცემელია. FIFA-ს წესების თანახმად, ფეხბურთელის შეძენა, რომელიც 18 წლის ჯერ არ შესრულებულა, დაუშვებელია, თუმცა ეს არ ეხება ევროკავშირის ქვეყნების მოქალაქეებს. სწორედ ასე შეიძინა "არსენალმა" სესკ ფაბრეგასი და ეკტორ ბელერინი, ხოლო "მანჩესტერ იუნაიტედმა" - ადნან იანუზაი, ტიმოთი ფოსუ-მენსა და ახალგაზრდა ნიჭიერი ჰოლანდიელი ტაჰიტ ჩონგი.



წაერთმევა თუ არა პრემიერ ლიგას მოცემული პრივილეგიები? თუკი რეფერენდუმს "ბრექსიტის" მომხრეები მოიგებენ, მაგრამ ამასთან ერთად დიდი ბრიტანეთი ევროპის ეკონომიკურ ზონაში დარჩება, FIFA-ს რეგლამენტის მე-19 პუნქტი, რომლის თანახმადაც ფეხბურთელებს თავისუფლად მოქმედება შეუძლიათ ევროპის კლუბებში, კვლავინდებურად იმოქმედებს.

თუმცა, თუკი დიდი ბრიტანეთი ევროკავშირს დატოვებს და ევროპის თავისუფალი ვაჭრობის ასოციაციას შეუერთდება, ეს პუნქტი ხელმისაწვდომი აღარ იქნება. ამგვარად, პრემიერ ლიგა ახალგაზრდა ნიჭიერ ლეგიონერებთან მუშაობაში კონკურენციას ვერ გაუწევს ევროპის ისეთ კლუბებს, როგორებიც მადრიდის "რეალი", მიუნხენის "ბაიერნი" და "ბარსელონა" არიან.