"მანჩესტერ იუნაიტედში" ბასტიან შვაინშტაიგერი ჟოზე მოურინიოს შეხვდება. 2016/17 წლების სეზონი კი გერმანელი ნახევარმცველისთვის გადამწყვეტი იქნება. გთავაზობთ სტატიას ბასტიან შვაინშტაიგერის ბურუსით მოცულ, გაურკვეველ მომავალზე.
აგვისტო, 2010 წელი. "ბაიერნის" რიგებში მყოფი ბასტაინ შვაინშტაიგერი , "რეალის" წინააღმდეგ პენალტების სერიაში დამარცხების შემდეგ, მოედანს იმედგაცრუებული ტოვებს. ეს იყო უკანასკნელი ფრანც ბეკენბაუერის თასი, რომელმაც აჩვენა, რომ ჟოზე მოურინიოს ნებისმიერი აზრი, შეიძლება ნათლად და წარმატებულად განხორციელდეს.
"ალიანც არენის" ლაბირინთიდან გამოსვლის დროს, ჯერ კიდევ მადრიდის "რეალის" მწვრთნელი, ჟოზე მოურინიო შვაინშტაიგერს შეხვდა. მათი თვალები ერთმანეთს "დაეჯახნენ". "მე შენი შეძენა გასულ წელს მსურდა, თუმცა არაფერი გამოვიდა, მაგრამ მომავალ სეზონში ჩვენ აუცილებლად ერთად ვიმუშავებთ."-ეს არის სიტყვები, რომლითაც პორტუგალიელმა გერმანელს შეხვედრის დროს მიმართა.
მოურინიო აფასებს შვაინშტაიგერს
ექვსი წლის შემდეგ, ზუსტად ამ დღეს მოურინიოს ოცნება ახდა. ორი მსოფლიოს ვარსკვლავის გზა, ინგლისის ყველაზე ტიტულოვან კლუბს - "მანჩესტერ იუნაიტედში" შეერთდა.
ჟოზე და ბასტიანი ერთმანეთს უკვე დიდი ხანია რაც იცნობენ და შესანიშნავი ურთიერთობაც აქვთ. "რეკორდმაისტერში" თამაშისას, მოურინიოს მისი შეძენა ჯერ "ინტერში", ხოლო შემდეგ კი "რეალში" მუშაობისას სურდა, თუმცა მისი ყველა მცდელობა წარუმატებელი გამოდგა.
2014 წლის ბრაზილიის მუნდიალზე მოურინიომ გერმანიის ნაკრებზე შემდეგი კომენტარი გააკეთა: "გერმანია ყოველთვის ყველაზე საუკეთესოდ ასპარეზობს, როდესაც გუნდში შვაინშტაიგერია, რომელიც ნახევარდაცვის ხაზს ასტაბილურებს."
თუმცა,ბასტიანი არ არის ჩვეულ ფორმაში
მას შემდეგ, რაც მოურინიომ ეს ფრაზა წარმოთქვა, ორი წელი გავიდა და ბევრი რამ შეიცვალა. შვაინშტაიგერს არ აქვს ნაკრებში უკვე ისეთი როლი, როგორიც ეს მსოფლიო ჩემპიონატის ტრიუმფის დროს ჰქონდა. გარდა ამისა, 31 წლის ნახევარმცველს პერიოდული ტრავმები აწუხებს, რის გამოც გასულ სეზონში იგი მოედანზე იშვიათად გამოდიოდა.
ორი წარუმატებელი სეზონის შემდეგ, "წითელი ეშმაკები" ძველი დიდების დაბრუნებას კვლავ ეცდებიან, სწორედ ამიტომ კლუბის ბოსებმა ჟოზე მოურინიოს სრული თავისუფლება მისცეს.
მოსალოდნელია, რომ "იუნაიტედის" ხელმძღვანელები მოურინიოს, ტრანსფერების განსახორციელებლად ასტრონომიულ თანხას, 260 მილიონ ევროს გამოუყოფენ.
ჯდება თუ არა მომავალი სეზონის გეგმებში ბასტიანი?
იქნება მოუს პირველი "მსხვერპლი" შვაინშტაიგერი? ლუი ვან გაალთან მუშაობის დროს, ბრიტანული პრესის ინფორმაციით, სხვა ფეხბურთელებისგან განსხვავებით გერმანელი განსაკუთრებული პრივილეგიებით სარგებლობდა, პორტუგალიელი სპეცალისტის მოსვლის შემდეგ, კი სავარაუდოდ შვაინი საკუთარ "განსაკუთრებულ სტატუსს" დაკარგავს.
პიროვნება, როგორც უპირატესობა
"იმ შემთხვევაში, თუ შვაინშტაიგერი "განსაკუთრებულის" სისტემაში ვერ ჩაჯდება, შედეგი გადამწყვეტი და ფატალური იქნება. ვან გაალისა და გვარდიოლას ხელმძღვანელობის შემდეგ, 31 წლის ფეხბურთელს კარგი ფიზიკური ფორმა და სწრაფი რეაგირება მართებს. შვაინშტაიგერს კი ნახევარდაცვაში საკმაოდ ნელი თამაში ახასიათებს.
მეორე მხრივ, ფიზიკურ კომპონენტთან ერთად მოურინიო წამყვანს მოთამაშეებში დიდ უპირატესობას, პიროვნულ ხასიათს ანიჭებს. წინა კლუბებში, პორტუგალიელის თითოეული მოთამაშე ქარიზმატული და ავტორიტეტული სტრატეგი იყო. დეკუ "პორტოში", სტანკოვიჩი "ინტერში", ლამპარდი "ჩელსიში" და ალონსო - "რეალში" - ყველანი საკუთარი ქმედებებით გამოირჩეოდნენ და ამით მოწინააღმდეგეზე ძალიან დიდ შთაბეჭდილებას ახდენდნენ. შვაინშტაიგერს კი ამის ძალა ნამდვილად შესწევს.